{"kind":"section","lang":"grc","language":"Ancient Greek","title":"De Cirone 32","citation":"Isaeus, De Cirone 32","ref":"32","level":null,"urn":"urn:cts:greekLit:tlg0017.tlg008:32","url":"https://interlinea.aeterna-institute.org/library/greek/isaeus/text-4/32","api":"https://interlinea.aeterna-institute.org/api/v1/library/greek/isaeus/text-4/32","markdown":"https://interlinea.aeterna-institute.org/library/greek/isaeus/text-4/32.md","author":{"name":"Isaeus","url":"https://interlinea.aeterna-institute.org/library/greek/isaeus"},"work":{"title":"De Cirone","url":"https://interlinea.aeterna-institute.org/library/greek/isaeus/text-4","urn":"urn:cts:greekLit:tlg0017.tlg008"},"verse":false,"words":106,"text":"οὐ τοίνυν ἐκ τούτου μόνον, ἀλλὰ καὶ ἐκ τοῦ περὶ τῆς κακώσεως νόμου δῆλόν ἐστιν. εἰ γὰρ ἔζη μὲν ὁ πάππος, ἐνδεὴς δὲ ἦν τῶν ἐπιτηδείων, οὐκ ἂν οὗτος ὑπόδικος ἦν τῆς κακώσεως ἀλλʼ ἡμεῖς. κελεύει γὰρ τρέφειν τοὺς γονέας· γονεῖς δʼ εἰσὶ μήτηρ καὶ πατὴρ καὶ πάππος καὶ τήθη καὶ τούτων μήτηρ καὶ πατήρ, ἐὰν ἔτι ζῶσιν· ἐκεῖνοι γὰρ ἀρχὴ τοῦ γένους εἰσί, καὶ τὰ ἐκείνων παραδίδοται τοῖς ἐκγόνοις · διόπερ ἀνάγκη τρέφειν αὐτούς ἐστι, κἂν μηδὲν καταλίπωσι. πῶς οὖν δίκαιόν ἐστιν, ἐὰν μὲν μηδὲν καταλίπωσιν, ἡμᾶς ὑποδίκους εἶναι τῆς κακώσεως, ἢν μὴ τρέφωμεν, εἰ δέ τι καταλελοίπασι, τόνδʼ εἶναι κληρονόμον ἀλλὰ μὴ ἡμᾶς; οὐδαμῶς δήπουθεν.","prev":{"citation":"De Cirone 31","label":"Section 31","url":"https://interlinea.aeterna-institute.org/library/greek/isaeus/text-4/31","api":"https://interlinea.aeterna-institute.org/api/v1/library/greek/isaeus/text-4/31"},"next":{"citation":"De Cirone 33","label":"Section 33","url":"https://interlinea.aeterna-institute.org/library/greek/isaeus/text-4/33","api":"https://interlinea.aeterna-institute.org/api/v1/library/greek/isaeus/text-4/33"},"credit":{"text":"Isaeus, Περὶ τοῦ Κίρωνος κλήρου, ed. Edward Seymour Forster. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0017.tlg008.local001/","quality":"proofread"}}