{"kind":"section","lang":"grc","language":"Ancient Greek","title":"De Apollodoro 43","citation":"Isaeus, De Apollodoro 43","ref":"43","level":null,"urn":"urn:cts:greekLit:tlg0017.tlg007:43","url":"https://interlinea.aeterna-institute.org/library/greek/isaeus/text/43","api":"https://interlinea.aeterna-institute.org/api/v1/library/greek/isaeus/text/43","markdown":"https://interlinea.aeterna-institute.org/library/greek/isaeus/text/43.md","author":{"name":"Isaeus","url":"https://interlinea.aeterna-institute.org/library/greek/isaeus"},"work":{"title":"De Apollodoro","url":"https://interlinea.aeterna-institute.org/library/greek/isaeus/text","urn":"urn:cts:greekLit:tlg0017.tlg007"},"verse":false,"words":76,"text":"ἵνα δὲ μὴ δοκῶ διατρίβειν περὶ ταῦτα ποιούμενος τοὺς λόγους, βούλομαι διὰ βραχέων ὑμᾶς ὑπομνήσας οὕτω καταβαίνειν, τί ἑκάτερος ἡμῶν ἀξιοῖ, δηλώσας. ἐγὼ μὲν ἀδελφῆς οὔσης τῆς ἐμῆς μητρὸς Ἀπολλοδώρῳ, φιλίας αὐτοῖς πολλῆς ὑπαρχούσης, ἔχθρας δʼ οὐδεμιᾶς πώποτε γενομένης, ἀδελφιδοῦς ὢν καὶ ποιηθεὶς ὑὸς ὑπʼ ἐκείνου ζῶντος καὶ εὖ φρονοῦντος, καὶ εἰς τοὺς γεννήτας καὶ φράτορας ἐγγραφείς, ἔχειν τὰ δοθέντα, καὶ μὴ ἐπὶ τούτοις 〈εἶναι〉 ἐξερημῶσαι τὸν οἶκον τὸν ἐκείνου· Προνάπης δὲ τί ὑπὲρ τῆς ἀμφισβητούσης;","prev":{"citation":"De Apollodoro 42","label":"Section 42","url":"https://interlinea.aeterna-institute.org/library/greek/isaeus/text/42","api":"https://interlinea.aeterna-institute.org/api/v1/library/greek/isaeus/text/42"},"next":{"citation":"De Apollodoro 44","label":"Section 44","url":"https://interlinea.aeterna-institute.org/library/greek/isaeus/text/44","api":"https://interlinea.aeterna-institute.org/api/v1/library/greek/isaeus/text/44"},"credit":{"text":"Isaeus, Περὶ τοῦ Απολλοδώρου κλήρου, ed. Edward Seymour Forster. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0017.tlg007.local001/","quality":"proofread"}}