{"kind":"section","lang":"grc","language":"Ancient Greek","title":"Ad Archidamum 2","citation":"Isocrates, Ad Archidamum 2","ref":"2","level":null,"urn":"urn:cts:greekLit:tlg0010.tlg024:2","url":"https://interlinea.aeterna-institute.org/library/greek/isocrates/text-3/2","api":"https://interlinea.aeterna-institute.org/api/v1/library/greek/isocrates/text-3/2","markdown":"https://interlinea.aeterna-institute.org/library/greek/isocrates/text-3/2.md","author":{"name":"Isocrates","url":"https://interlinea.aeterna-institute.org/library/greek/isocrates"},"work":{"title":"Ad Archidamum","url":"https://interlinea.aeterna-institute.org/library/greek/isocrates/text-3","urn":"urn:cts:greekLit:tlg0010.tlg024"},"verse":false,"words":75,"text":"ταύτην δ’ ἐποιησάμην τὴν αἵρεσιν, οὐκ ἀγνοῶν τῶν λόγων τὸν εὐμεταχειριστότερον, ἀλλ’ ἀκριβῶς εἰδὼς ὅτι πράξεις μὲν εὑρεῖν καλὰς καὶ μεγάλας καὶ συμφερούσας χαλεπὸν καὶ σπάνιόν ἐστιν, ἐπαινέσαι δὲ τὰς ἀρετὰς τὰς ὑμετέρας ῥᾳδίως οἷός τ’ ἂν ἐγενόμην. οὐ γὰρ ἔδει με παρ’ ἐμαυτοῦ πορίζεσθαι τὰ λεχθησόμενα περὶ αὐτῶν, ἀλλ’ ἐκ τῶν ὑμῖν πεπραγμένων τοσαύτας ἂν καὶ τοιαύτας ἀφορμὰς ἔλαβον ὥστε τὰς περὶ τῶν ἄλλων εὐλογίας μηδὲ κατὰ μικρὸν ἐναμίλλους γενέσθαι τῇ περὶ ὑμᾶς ῥηθείσῃ.","prev":{"citation":"Ad Archidamum 1","label":"Section 1","url":"https://interlinea.aeterna-institute.org/library/greek/isocrates/text-3/1","api":"https://interlinea.aeterna-institute.org/api/v1/library/greek/isocrates/text-3/1"},"next":{"citation":"Ad Archidamum 3","label":"Section 3","url":"https://interlinea.aeterna-institute.org/library/greek/isocrates/text-3/3","api":"https://interlinea.aeterna-institute.org/api/v1/library/greek/isocrates/text-3/3"},"credit":{"text":"Isocrates, Ἐπιστολαὶ θʹ Ἀρχιδάμῳ, ed. Larue Van Hook. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0010.tlg024.local001/","quality":"proofread"}}