{"kind":"section","lang":"grc","language":"Ancient Greek","title":"Ad Alexandrum 4","citation":"Isocrates, Ad Alexandrum 4","ref":"4","level":null,"urn":"urn:cts:greekLit:tlg0010.tlg028:4","url":"https://interlinea.aeterna-institute.org/library/greek/isocrates/text/4","api":"https://interlinea.aeterna-institute.org/api/v1/library/greek/isocrates/text/4","markdown":"https://interlinea.aeterna-institute.org/library/greek/isocrates/text/4.md","author":{"name":"Isocrates","url":"https://interlinea.aeterna-institute.org/library/greek/isocrates"},"work":{"title":"Ad Alexandrum","url":"https://interlinea.aeterna-institute.org/library/greek/isocrates/text","urn":"urn:cts:greekLit:tlg0010.tlg028"},"verse":false,"words":77,"text":"ταύτην μὲν οὖν οὐκ ἀγαπᾶν σε τὴν διατριβήν, προαιρεῖσθαι δὲ τὴν παιδείαν τὴν περὶ τοὺς λόγους, οἷς χρώμεθα περὶ τὰς πράξεις τὰς προσπιπτούσας καθ’ ἑκάστην τὴν ἡμέραν καὶ μεθ’ ὧν βουλευόμεθα περὶ τῶν κοινῶν· δι’ ἣν νῦν τε δοξάζειν περὶ τῶν μελλόντων ἐπιεικῶς, τοῖς τ’ ἀρχομένοις προστάττειν οὐκ ἀνοήτως ἃ δεῖ πράττειν ἑκάστους, ἐπιστήσει, περὶ δὲ τῶν καλῶν καὶ δικαίων καὶ τῶν τούτοις ἐναντίων ὀρθῶς κρίνειν, πρὸς δὲ τούτοις τιμᾶν τε καὶ κολάζειν ὡς προσῆκόν ἐστιν ἑκατέρους.","prev":{"citation":"Ad Alexandrum 3","label":"Section 3","url":"https://interlinea.aeterna-institute.org/library/greek/isocrates/text/3","api":"https://interlinea.aeterna-institute.org/api/v1/library/greek/isocrates/text/3"},"next":{"citation":"Ad Alexandrum 5","label":"Section 5","url":"https://interlinea.aeterna-institute.org/library/greek/isocrates/text/5","api":"https://interlinea.aeterna-institute.org/api/v1/library/greek/isocrates/text/5"},"credit":{"text":"Isocrates, Ἐπιστολαὶ εʹ Ἀλεξάνδρῳ, ed. Larue Van Hook. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0010.tlg028.local001/","quality":"proofread"}}