{"kind":"section","lang":"grc","language":"Ancient Greek","title":"Testimonia 2.360.1","citation":"Leucippus, Testimonia 2.360.1","ref":"2.360.1","level":null,"urn":null,"url":"https://interlinea.aeterna-institute.org/library/greek/leucippus-phil/testimonia/2.360.1","api":"https://interlinea.aeterna-institute.org/api/v1/library/greek/leucippus-phil/testimonia/2.360.1","markdown":"https://interlinea.aeterna-institute.org/library/greek/leucippus-phil/testimonia/2.360.1.md","author":{"name":"Leucippus","url":"https://interlinea.aeterna-institute.org/library/greek/leucippus-phil"},"work":{"title":"Testimonia","url":"https://interlinea.aeterna-institute.org/library/greek/leucippus-phil/testimonia","urn":"urn:cts:greekLit:tlg1461.tlg001"},"verse":false,"words":176,"text":"τὴν ὑποκειμένην οὐσίαν τᾶλλα τοῖς πάθεσιν αὐτῆς γεννῶσι, τὸ μανὸν καὶ τὸ πυκνὸν ἀρχὰς τιθέμενοι τῶν παθημάτων, τὸν αὐτὸν τρόπον καὶ οὗτοι τὰς διαφορὰς αἰτίας τῶν ἄλλων εἶναί φασιν. ταύτας μέντοι τρεῖς εἶναι λέγουσι, σχῆμά τε καὶ τάξιν καὶ θέσιν· διαφέρειν γὰρ φασὶ τὸ ὂν ῥυσμῶι καὶ διαθιγῆι καὶ τροπῆι μόνον. τούτων δὲ ὁ μὲν ῥυσμὸς σχῆμά ἐστιν, ἡ δὲ διαθιγὴ τάξις, ἡ δὲ τροπὴ θέσις· διαφέρει γὰρ τὸ μὲν Α τοῦ Ν σχήματι, τὸ δὲ ΑΝ τοῦ ΝΑ τάξει, τὸ δὲ Γ τοῦ Η θέσει. περὶ δὲ κινήσεως, ὅθεν ἢ πῶς ὑπάρχει τοῖς οὖσι, καὶ οὗτοι παραπλησίως τοῖς ἄλλοις ῥαθύμως ἀφεῖσαν. [Folgt 45 B 4.] Alex. in Metaph. z. d. St. 36,21 λέγει μὲν περὶ Λευκίππου τε καὶ Δημοκρίτου· οὗτοι γὰρ λέγουσιν ἄλληλοτυποῦσας καὶ κρουομένας πρὸς ἀλλήλας κινεῖσθαι τὰς ἀτόμους. πόθεν μέντοι ἡ ἀρχὴ τῆς κινήσεως τῆς κατὰ φύσιν, οὐ λέγουσιν. ἢ γὰρ κατὰ τὴν ἄλληλοτυπίαν βιαίος ἐστὶ κίνησις καὶ οὐ κατὰ φύσιν, ὑστέρα δὲ ἡ βίαιος τῆς κατὰ φύσιν. Philop. de anima p. 68,3 ῥυσμὸς λέξις ἐστὶν Ἀβδηρική, σημαίνει δὲ τὸ σχῆμα.","prev":{"citation":"Testimonia 2.359.6","label":"2.359.6","url":"https://interlinea.aeterna-institute.org/library/greek/leucippus-phil/testimonia/2.359.6","api":"https://interlinea.aeterna-institute.org/api/v1/library/greek/leucippus-phil/testimonia/2.359.6"},"next":{"citation":"Testimonia 2.360.2","label":"2.360.2","url":"https://interlinea.aeterna-institute.org/library/greek/leucippus-phil/testimonia/2.360.2","api":"https://interlinea.aeterna-institute.org/api/v1/library/greek/leucippus-phil/testimonia/2.360.2"},"credit":{"text":"Leucippus Phil., Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc002156","quality":"ocr"}}