{"kind":"section","lang":"grc","language":"Ancient Greek","title":"Declamatio I 7","citation":"Libanius, Declamatio I 7","ref":"7","level":null,"urn":"urn:cts:greekLit:tlg2200.tlg005:7","url":"https://interlinea.aeterna-institute.org/library/greek/libanius/declamatio-i/7","api":"https://interlinea.aeterna-institute.org/api/v1/library/greek/libanius/declamatio-i/7","markdown":"https://interlinea.aeterna-institute.org/library/greek/libanius/declamatio-i/7.md","author":{"name":"Libanius","url":"https://interlinea.aeterna-institute.org/library/greek/libanius"},"work":{"title":"Declamatio I","url":"https://interlinea.aeterna-institute.org/library/greek/libanius/declamatio-i","urn":"urn:cts:greekLit:tlg2200.tlg005"},"verse":false,"words":104,"text":"ἃ δὴ καὶ τούτοις ἔδωκε θαρρῆσαι τὴν γραφὴν ἀπενεγκεῖν, ἐπεὶ καὶ πρῴην τινὸς προσελθόν- τος αὐτοῖς καὶ λέγοντος οὐ σφόδρα συνήδεσθαι τοῖς διώκουσιν, οὐδὲ γὰρ οὐδ’ ὁρᾶν εἰς τὸ κρατήσειν ἀφορ- μάς, τὸ τῶν δικαζόντων πρὸς τὸν κινδυνεύοντα μῖσος μεγάλην ἔφασαν σφίσιν αὐτοῖς ὑπάρχειν πλεονεξίαν. πάλαι γὰρ αὐτὸν ἐπιθυμεῖν ὑπὸ ταῖς ψήφοις λαβεῖν, ὥστ’ αὐτοῖς ἀρκεῖν φανῆναι. ἃ γὰρ αὐτὸς ἄν, εἴπερ ἐδίκαζεν, Ἄνυτος ἐποίει καὶ οἱ μετὰ τούτου, ταῦτα παρ’ ὑμῶν προσδοκᾷ. κακῶς ἐλπίζων. διὰ τί; ὅτι πρῶτον μὲν ἐν ὑμῖν οὐκ ὀλίγους ἑώρων πολλάκις ἡσθέντας, ὁπότε Σωκράτης τοὺς ἀλαζόνας ἐλέγχοι, καί, νὴ Δία γε, καὶ πρὸς ἀρετὴν διὰ τοῦτον | ἐπιδεδωκότας οὐ μικρόν.","prev":{"citation":"Declamatio I 5","label":"Chapter 5","url":"https://interlinea.aeterna-institute.org/library/greek/libanius/declamatio-i/5","api":"https://interlinea.aeterna-institute.org/api/v1/library/greek/libanius/declamatio-i/5"},"next":{"citation":"Declamatio I 8","label":"Chapter 8","url":"https://interlinea.aeterna-institute.org/library/greek/libanius/declamatio-i/8","api":"https://interlinea.aeterna-institute.org/api/v1/library/greek/libanius/declamatio-i/8"},"credit":{"text":"Libanius, Declamatio I, ed. Richard Foerstser. Text: Open Greek and Latin (First1KGreek), via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg2200.tlg005.local002/","quality":"proofread"}}