{"kind":"section","lang":"grc","language":"Ancient Greek","title":"Oratio in Leocratem 116","citation":"Lycurgus, Oratio in Leocratem 116","ref":"116","level":null,"urn":"urn:cts:greekLit:tlg0034.tlg001:116","url":"https://interlinea.aeterna-institute.org/library/greek/lycurgus/text/116","api":"https://interlinea.aeterna-institute.org/api/v1/library/greek/lycurgus/text/116","markdown":"https://interlinea.aeterna-institute.org/library/greek/lycurgus/text/116.md","author":{"name":"Lycurgus","url":"https://interlinea.aeterna-institute.org/library/greek/lycurgus"},"work":{"title":"Oratio in Leocratem","url":"https://interlinea.aeterna-institute.org/library/greek/lycurgus/text","urn":"urn:cts:greekLit:tlg0034.tlg001"},"verse":false,"words":92,"text":"καὶ τοσοῦτόν γʼ ἔσεσθε τῶν προγόνων χείρους ὅσον ἐκεῖνοι μὲν τοὺς λόγῳ μόνον τῷ προδότῃ βοηθήσαντας ταῖς ἐσχάταις τιμωρίαις μετῆλθον, ὑμεῖς δὲ αὐτὸν τὸν ἔργῳ καὶ οὐ λόγῳ τὸν δῆμον ἐγκαταλιπόντα ὡς οὐδὲν ἀδικοῦντα ἀφήσετε; μὴ δῆτα, ὦ ἄνδρες δικασταί, οὔτε γὰρ ὅσιον ὑμῖν οὔτε πάτριον, ἀναξίως ὑμῶν αὐτῶν ψηφίζεσθε. καὶ γὰρ εἰ μὲν ἕν τι τοιοῦτον γεγονὸς ἦν ψήφισμα, εἶχεν ἄν τις εἰπεῖν ὡς διʼ ὀργὴν μᾶλλον ἢ διʼ ἀλήθειαν ἐποιήσαντο· ὅταν δὲ παρὰ πάντων ὁμοίως εἰληφότες ὦσι τὴν αὐτὴν τιμωρίαν, πῶς οὐκ εὔδηλον ὅτι φύσει πᾶσι τοῖς τοιούτοις ἔργοις ἐπολέμουν;","prev":{"citation":"Oratio in Leocratem 115","label":"Section 115","url":"https://interlinea.aeterna-institute.org/library/greek/lycurgus/text/115","api":"https://interlinea.aeterna-institute.org/api/v1/library/greek/lycurgus/text/115"},"next":{"citation":"Oratio in Leocratem 117","label":"Section 117","url":"https://interlinea.aeterna-institute.org/library/greek/lycurgus/text/117","api":"https://interlinea.aeterna-institute.org/api/v1/library/greek/lycurgus/text/117"},"credit":{"text":"Lycurgus, Κατὰ Λεωκράτους, ed. J. O. Burtt. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0034.tlg001.local001/","quality":"proofread"}}