{"kind":"section","lang":"grc","language":"Ancient Greek","title":"Testimonia 1.160.3","citation":"Melissus, Testimonia 1.160.3","ref":"1.160.3","level":null,"urn":null,"url":"https://interlinea.aeterna-institute.org/library/greek/melissus/testimonia/1.160.3","api":"https://interlinea.aeterna-institute.org/api/v1/library/greek/melissus/testimonia/1.160.3","markdown":"https://interlinea.aeterna-institute.org/library/greek/melissus/testimonia/1.160.3.md","author":{"name":"Melissus","url":"https://interlinea.aeterna-institute.org/library/greek/melissus"},"work":{"title":"Testimonia","url":"https://interlinea.aeterna-institute.org/library/greek/melissus/testimonia","urn":"urn:cts:greekLit:tlg1494.tlg001"},"verse":false,"words":215,"text":"c. 2 ἀλλ’ ἄρα, εἰ μὲν δυνατὰ ἐστιν ἢ ἀδύνατα ἂ λέγει, ἕκαστον, τὸ δὲ πότερον συμπεραίνεται αὐτὰ ἐξ ὧν λαμβάνει, ἢ οὐδὲν κωλύει καὶ ἄλλως ἔχειν, ἴκανόν ἐσχεῖν; ἕτερον γὰρ ἂν τι τοῦτ’ ὥσπερ ἐκείνου εἴη. καὶ πρῶτον τεθέντος, ὅ πρῶτον λαμβάνει, μηδὲν γενέσθαι ἂν ἐκ μὴ ὄντος, ἄρα ἀνάγκη ἀγέννητα ἅπαντα εἶναι, ἢ οὐδὲν κωλύει γεγενηκέναι ἕτερα ἐξ ἑτέρων, καὶ τοῦτο εἰς ἄπειρον λέγει; ἢ καὶ ἀνακάμπτειν κύκλῳ, ὥστε τὸ ἕτερον ἐκ τοῦ ἑτέρου γεγενηκέναι, ἀεὶ τε οὕτως ὄντος τινὸς καὶ ἀπειράκις ἑκάστων γεγενημένων ἐξ ἀλλήλων; ὥστε οὐδὲν ἂν κωλύοι τὸ ἅπαντα γεγενηκέναι καὶ μένον τοῦ μηδὲν γενέσθαι ἂν ἐκ μὴ ὄντος, καὶ ἄπειρα ὄντα πρὸς ἐκεῖνον προσῃγορεύσαι οὐδὲν κωλύει τῶν τῶν ἐνὶ ἐπομένων ὀνομάτων. τὸ ἅπαντα γὰρ εἶναι καὶ λέγεσθαι καὶ ἐκεῖνος τῷ ἀπείρῳ προσάπτει. οὐδὲν τε κωλύει, καὶ μὴ ἀπείρων ὄντων, κύκλῳ αὐτῶν εἶναι τὴν γένεσιν. ἐπεὶ εἰ ἅπαντα γίγνεται, ἔστι δὲ οὐδὲν, ὡς τινὲς λέγουσι, πῶς ἂν αἰδία εἴη; ἀλλὰ γὰρ τοῦ μὲν εἶναι τι ὡς ὄντος καὶ κειμένου διαλέγεται. εἰ γὰρ, φησί, μὴ ἐγένετο, ἔστιν δέ, αἰδίον ἂν εἴη, ὡς δέον ὑπάρχειν τὸ εἶναι τοῖς πράγμασιν. ἐπεὶ εἰ καὶ ὅτι μάλιστα μήτε τὸ μὴ ὂν ἐνδέχεται γενέσθαι μήτε ἀπολέσθαι τὸ [μὴ] ὂν, ὅμως τί κωλύει τὰ μὲν γεγόμενα αὐτῶν εἶναι, τὰ δ’ αἰδία, ὡς καὶ ‘Εμπεδοκλῆς [fr. 12] λέγει;","prev":{"citation":"Testimonia 1.160.2","label":"1.160.2","url":"https://interlinea.aeterna-institute.org/library/greek/melissus/testimonia/1.160.2","api":"https://interlinea.aeterna-institute.org/api/v1/library/greek/melissus/testimonia/1.160.2"},"next":{"citation":"Testimonia 1.160.4","label":"1.160.4","url":"https://interlinea.aeterna-institute.org/library/greek/melissus/testimonia/1.160.4","api":"https://interlinea.aeterna-institute.org/api/v1/library/greek/melissus/testimonia/1.160.4"},"credit":{"text":"Melissus, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc002426","quality":"ocr"}}