{"kind":"section","lang":"grc","language":"Ancient Greek","title":"Strategicus 13","citation":"Onasander, Strategicus 13","ref":"13","level":null,"urn":"urn:cts:greekLit:tlg0648.tlg001:13","url":"https://interlinea.aeterna-institute.org/library/greek/onasander/text/13","api":"https://interlinea.aeterna-institute.org/api/v1/library/greek/onasander/text/13","markdown":"https://interlinea.aeterna-institute.org/library/greek/onasander/text/13.md","author":{"name":"Onasander","url":"https://interlinea.aeterna-institute.org/library/greek/onasander"},"work":{"title":"Strategicus","url":"https://interlinea.aeterna-institute.org/library/greek/onasander/text","urn":"urn:cts:greekLit:tlg0648.tlg001"},"verse":false,"words":119,"text":"Ὅτʼ ἂν δέ τις ἐμπέσῃ δυσθυμία στρατεύμασι καὶ φόβος ἢ συμμαχίας τοῖς πολεμίοις ἀφιγμένης ἢ προτερήματός σφισι γεγονότος, ὁ στρατηγὸς τότε δὴ μάλιστα τοῖς στρατιώταις ἱλαρὸς καὶ γεγηθὼς καὶ ἀκατάπληκτος φαινέσθω. αἱ γὰρ ὄψεις τῶν ἡγεμόνων συμμετασχηματίζουσι τὰς ψυχὰς τῶν ὑποταττομένων, καὶ στρατηγοῦ μὲν εὐθυμουμένου καὶ ἱλαρὸν βλέποντος ἀναθαρρεῖ καὶ τὸ στρατόπεδον ὡς οὐδενὸς ὄντος δεινοῦ, κατεπτηχότος δὲ καὶ λυπουμένου συγκαταπίπτουσι ταῖς διανοίαις ὡς μεγάλου σφίσι κακοῦ προφαινομένου. διὸ χρὴ πλέον τῷ σχήματι τοῦ προσώπου στρατηγεῖν τὴν τοῦ πλήθους εὐθυμίαν ἢ τοῖς λόγοις παρηγορεῖν· λόγοις μὲν γὰρ πολλοὶ καὶ ἠπίστησαν ὡς τοῦ καιροῦ πεπλασμένοις εἵνεκεν, ὄψιν δὲ θαρσοῦσαν ἀνυπόκριτον εἶναι νομίζοντες ἐπιστώσαντο τὴν ἀφοβίαν· ἀγαθὴ δὲ ἡ ἐξ ἀμφοῖν ἐπιστήμη τοῦ τε εἰπεῖν, ἃ δεῖ, καὶ ὀφθῆναι, ὁποῖον δεῖ.","prev":{"citation":"Strategicus 12.2","label":"Chapter 12","url":"https://interlinea.aeterna-institute.org/library/greek/onasander/text/12.2","api":"https://interlinea.aeterna-institute.org/api/v1/library/greek/onasander/text/12.2"},"next":{"citation":"Strategicus 14.1","label":"Chapter 14","url":"https://interlinea.aeterna-institute.org/library/greek/onasander/text/14.1","api":"https://interlinea.aeterna-institute.org/api/v1/library/greek/onasander/text/14.1"},"credit":{"text":"Onasander, Στρατηγικός, ed. William Abbott Oldfather. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0648.tlg001.local001/","quality":"proofread"}}