{"kind":"section","lang":"grc","language":"Ancient Greek","title":"Narrationes amatoriae 2-3","citation":"Parthenius, Narrationes amatoriae 2-3","ref":"2","level":null,"urn":"urn:cts:greekLit:tlg0655.tlg001:2-3","url":"https://interlinea.aeterna-institute.org/library/greek/parthenius/text/2","api":"https://interlinea.aeterna-institute.org/api/v1/library/greek/parthenius/text/2","markdown":"https://interlinea.aeterna-institute.org/library/greek/parthenius/text/2.md","author":{"name":"Parthenius","url":"https://interlinea.aeterna-institute.org/library/greek/parthenius"},"work":{"title":"Narrationes amatoriae","url":"https://interlinea.aeterna-institute.org/library/greek/parthenius/text","urn":"urn:cts:greekLit:tlg0655.tlg001"},"verse":false,"words":89,"text":"Χρόνου δὲ πολλοῦ προϊόντος ὡς τῷ Λύρκῳ παῖδες οὐκ ἐγίνοντο, ἦλθεν εἰς Διδυμέως χρησόμενος περὶ γονῆς τέκνων· καὶ αὐτῷ θεσπίζει ὁ θεὸς παῖδας φύσειν, ᾗ ἂν ἐκ τοῦ ναοῦ χωρισθεὶς πρώτῃ συγγένηται· ὁ δὲ μάλα γεγηθὼς ἠπείγετο πρὸς τὴν γυναῖκα πειθόμενος κατὰ νοῦν αὐτῷ χωρήσειν τὸ μαντεῖον. Ἐπεὶ δὲ πλέων ἀφίκετο ἐς Βύβασσον πρὸς Στάφυλον τὸν Διονύσου, μάλα φιλοφρόνως ἐκεῖνος αὐτὸν ὑποδεχόμενος εἰς πολὺν οἶνον προυτρέψατο, κἀπειδὴ πολλῇ μέθῃ παρεῖτο, συγκατέκλινεν αὐτῷ Ἡμιθέαν τὴν θυγατέρα. Ταῦτα δὲ ἐποίει προπεπυσμένος τὸ τοῦ χρηστηρίου καὶ βουλόμενος ἐκ ταύτης αὐτῷ παῖδας γενέσθαι.","prev":{"citation":"Narrationes amatoriae 1","label":"De Lycro","url":"https://interlinea.aeterna-institute.org/library/greek/parthenius/text/1","api":"https://interlinea.aeterna-institute.org/api/v1/library/greek/parthenius/text/1"},"next":{"citation":"Narrationes amatoriae 4","label":"De Lycro","url":"https://interlinea.aeterna-institute.org/library/greek/parthenius/text/4","api":"https://interlinea.aeterna-institute.org/api/v1/library/greek/parthenius/text/4"},"credit":{"text":"Parthenius, Ἐρωτικὰ Παθήματα, ed. Rudolf Hercher. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0655.tlg001.local001/","quality":"proofread"}}