{"kind":"section","lang":"grc","language":"Ancient Greek","title":"De unius in republica dominatione, populari statu, et paucorum imperio (826a–827c) 2","citation":"Plutarch, De unius in republica dominatione, populari statu, et paucorum imperio (826a–827c) 2","ref":"2","level":null,"urn":"urn:cts:greekLit:tlg0007.tlg119:2","url":"https://interlinea.aeterna-institute.org/library/greek/plutarch/text-89/2","api":"https://interlinea.aeterna-institute.org/api/v1/library/greek/plutarch/text-89/2","markdown":"https://interlinea.aeterna-institute.org/library/greek/plutarch/text-89/2.md","author":{"name":"Plutarch","url":"https://interlinea.aeterna-institute.org/library/greek/plutarch"},"work":{"title":"De unius in republica dominatione, populari statu, et paucorum imperio (826a–827c)","url":"https://interlinea.aeterna-institute.org/library/greek/plutarch/text-89","urn":"urn:cts:greekLit:tlg0007.tlg119"},"verse":false,"words":107,"text":"λέγεται μὲν δὴ πολιτεία καὶ μετάληψις τῶν ἐν πόλει δικαίων· ὥς φαμεν Ἀλεξάνδρῳ πολιτείαν Μεγαρεῖς ψηφίσασθαι· τοῦ δʼ εἰς γέλωτα θεμένου τὴν σπουδὴν αὐτῶν, εἰπεῖν ἐκείνους ὅτι μόνῳ πρότερον τὴν πολιτείαν Ἡρακλεῖ καὶ μετʼ ἐκεῖνον αὐτῷ ψηφίσαιντο· τὸν δὲ θαυμάσαντα δέξασθαι τὸ τίμιον ἐν τῷ σπανίῳ τιθέμενον. λέγεται δὲ καὶ βίος ἀνδρὸς πολιτικοῦ καὶ τὰ κοινὰ πράττοντος πολιτεία· καθὸ τὴν Περικλέους πολιτείαν ἐπαινοῦμεν καὶ τὴν Βίαντος, ψέγομεν δὲ τὴν Ὑπερβόλου καὶ Κλέωνος. ἔνιοι δὲ καὶ μίαν πρᾶξιν εὔστοχον εἰς τὰ κοινὰ καὶ λαμπρὰν πολιτείαν προσαγορεύουσιν, οἷον χρημάτων ἐπίδοσιν, διάλυσιν πολέμου, ψηφίσματος εἰσήγησιν· καθὸ καὶ πολιτεύσασθαι τὸν δεῖνα σήμερον λέγομεν, εἰ τύχοι τι διαπραξάμενος ἐν κοινῷ τῶν δεόντων.","prev":{"citation":"De unius in republica dominatione, populari statu, et paucorum imperio (826a–827c) 1","label":"Section 1","url":"https://interlinea.aeterna-institute.org/library/greek/plutarch/text-89/1","api":"https://interlinea.aeterna-institute.org/api/v1/library/greek/plutarch/text-89/1"},"next":{"citation":"De unius in republica dominatione, populari statu, et paucorum imperio (826a–827c) 3","label":"Section 3","url":"https://interlinea.aeterna-institute.org/library/greek/plutarch/text-89/3","api":"https://interlinea.aeterna-institute.org/api/v1/library/greek/plutarch/text-89/3"},"credit":{"text":"Plutarch, Περὶ μοναρχίας καὶ δημοκρατίας καὶ ὀλιγαρχίας, ed. Grēgorios N. Vernardakēs. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0007.tlg119.local001/","quality":"proofread"}}