{"kind":"section","lang":"grc","language":"Ancient Greek","title":"Testimonia 2.244.4","citation":"Polyclitus, Testimonia 2.244.4","ref":"2.244.4","level":null,"urn":null,"url":"https://interlinea.aeterna-institute.org/library/greek/polyclitus-phil/testimonia/2.244.4","api":"https://interlinea.aeterna-institute.org/api/v1/library/greek/polyclitus-phil/testimonia/2.244.4","markdown":"https://interlinea.aeterna-institute.org/library/greek/polyclitus-phil/testimonia/2.244.4.md","author":{"name":"Polyclitus","url":"https://interlinea.aeterna-institute.org/library/greek/polyclitus-phil"},"work":{"title":"Testimonia","url":"https://interlinea.aeterna-institute.org/library/greek/polyclitus-phil/testimonia","urn":"urn:cts:greekLit:tlg1625.tlg001"},"verse":false,"words":256,"text":"3. GALEN. de temper. 1 9 p. 42,26 Helm. ἡ μὲν δὴ μέθοδος αὕτη· τὸ δ᾽ ἀσκήσαι γνωρίζειν ἐτοίμως ἐν ἑκάστῳ γένει ζώιου καὶ κατὰ τὰ σύμπαντα τὸ μέσον οὐ τοῦ τυχόντος ἀνδρός, ἀλλ᾽ ἐσάτως ἐστὶ φιλοπόνου καὶ διὰ μακρᾶς ἐμπειρίας καὶ πολλῆς γνώσεως ἀπάντων τῶν κατὰ μέρος ἐξευρίσκειν δυνάμενου τὸ μέσον. οὕτω γοῦν καὶ πλάσται καὶ γραφεῖς ἀνδριαντοποιοὶ τε καὶ ὅλως ἀγαλματοποιοὶ τὰ κάλλιστα γράφουσι καὶ πλάττουσι καθ᾽ ἕκαστον εἶδος, οἷον ἄνθρωπον εὐμορφότατον ἢ ἵππον ἢ βοῦν ἢ λέοντα, τὸ μέσον ἐν ἐκείνῳ τῷ γένει σκοποῦντες. καὶ ποῦ τις ἀνδρίας ἐπαινείται Πολυκλείτου Κανῶν ὀνοαζόμενος ἐκ τοῦ πάντων τῶν μορίων ἀκριβῆ τὴν πρὸς ἄλληλα συμμετρίαν ἔχειν ὀνόματος τοιούτου τυχών. de plac. Hipp. et Plat. v p. 425,14 Müll. ἐδήλωσε [Chrysippos] γὰρ σαφῶς τοῦτο διὰ τῆς προγεγραμμένης ὀλίγον ἔμπροσθεν ῥήσεως, ἐν ᾗ τὴν μὲν ὑγίειαν τοῦ σώματος ἐν θερμοῖς καὶ ψυχοῖς καὶ ξηροῖς καὶ ὑγροῖς συμμετρίαν εἶναι φησιν, ἅπερ δὴ στοιχεῖα δηλονότι τῶν σωμάτων ἐστί, τὸ δὲ κάλλος οὐκ ἐν τῇ τῶν στοιχείων, ἀλλὰ ἐν τῇ τῶν μορίων συμμετρῖα συνίστασθαι νομίζει, δακτύλου πρὸς δάκτυλον δηλονότι καὶ συμπάντων αὐτῶν πρὸς τε μετακάρπιον καὶ καρπὸν καὶ τούτων πρὸς πήχυν καὶ πήχews πρὸς βραχίονα καὶ πάντων πρὸς πάντα, καθάπερ ἐν τῷ Πολυκλείτου Κανόνι γέγραπται. πάσας γὰρ ἐκιδάξας ἡμᾶς ἐν ἐκείνῳ τῷ συγγράμματι τὰς συμμετρίας τοῦ σώματος ὁ Π. ἔργῳ τὸν λόγον ἐβεβαίωσε δημιουργήσας ἀνδριάντα κατὰ τὰ τοῦ λόγου προστάγματα καὶ καλέσας δὴ καὶ αὐτὸν τὸν ἀνδριάντα καθάπερ καὶ τὸ σύγγραμμα Κανόνα. τὸ μὲν δὴ κάλλος τοῦ σώματος ἐν τῇ τῶν μορίων συμμετρῖα κατὰ πάντας ἰατροὺς καὶ φιλοσόφους ἐστίν.","prev":{"citation":"Testimonia 1.255.4-2.244.3","label":"1.255.4 to 2.244.3","url":"https://interlinea.aeterna-institute.org/library/greek/polyclitus-phil/testimonia/1.255.4","api":"https://interlinea.aeterna-institute.org/api/v1/library/greek/polyclitus-phil/testimonia/1.255.4"},"next":null,"credit":{"text":"Polyclitus Phil., Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc003013","quality":"ocr"}}