{"kind":"section","lang":"grc","language":"Ancient Greek","title":"Pyrrhoniae hypotyposes 2.186","citation":"Sextus Empiricus, Pyrrhoniae hypotyposes 2.186","ref":"2.186","level":null,"urn":"urn:cts:greekLit:tlg0544.tlg001:2.186","url":"https://interlinea.aeterna-institute.org/library/greek/sextus-empiricus/pyrrhoniae-hypotyposes/2.186","api":"https://interlinea.aeterna-institute.org/api/v1/library/greek/sextus-empiricus/pyrrhoniae-hypotyposes/2.186","markdown":"https://interlinea.aeterna-institute.org/library/greek/sextus-empiricus/pyrrhoniae-hypotyposes/2.186.md","author":{"name":"Sextus Empiricus","url":"https://interlinea.aeterna-institute.org/library/greek/sextus-empiricus"},"work":{"title":"Pyrrhoniae hypotyposes","url":"https://interlinea.aeterna-institute.org/library/greek/sextus-empiricus/pyrrhoniae-hypotyposes","urn":"urn:cts:greekLit:tlg0544.tlg001"},"verse":false,"words":67,"text":"ὅθεν καὶ τοιοῦτον συνερωτῶσι λόγον· ‘εἰ ἔστιν ἀπόδειξις, ἔστιν ἀπόδειξις· εἰ οὐκ ἔστιν ἀπόδειξις, ἔστιν ἀπόδειξις· ἤτοι δὲ ἔστιν ἀπόδειξις ἢ οὐκ ἔστιν ἀπόδειξις· ἔστιν ἄρα ἀπόδειξις' ἀπὸ δὲ τῆς αὐτῆς δυνάμεως καὶ τοῦτον ἐρωτῶσι τὸν λό’ γον· ‘τὸ τοῖς ἀντικειμένοις ἑπόμενον οὐ μόνον ἀληθές ἐστιν, ἀλλὰ καὶ ἀναγκαῖον· ἀντίκειται δὲ ταῦτα ἀλλήλοις “ἔστιν ἀπόδειξις — οὐκ ἔστιν ἀπόδειξις'', ὧν ἑκατέρῳ ἀκολουθεῖ τὸ εἶναι ἀπόδειξιν· ἔστιν ἄρα ἀπόδειξις’.","prev":{"citation":"Pyrrhoniae hypotyposes 2.184-185","label":"2.184 to 2.185","url":"https://interlinea.aeterna-institute.org/library/greek/sextus-empiricus/pyrrhoniae-hypotyposes/2.184","api":"https://interlinea.aeterna-institute.org/api/v1/library/greek/sextus-empiricus/pyrrhoniae-hypotyposes/2.184"},"next":{"citation":"Pyrrhoniae hypotyposes 2.187","label":"Book 2, ιγ′ εἰ ἔστιν","url":"https://interlinea.aeterna-institute.org/library/greek/sextus-empiricus/pyrrhoniae-hypotyposes/2.187","api":"https://interlinea.aeterna-institute.org/api/v1/library/greek/sextus-empiricus/pyrrhoniae-hypotyposes/2.187"},"credit":{"text":"Sextus Empiricus, Pyrrhoniae hypotyposes, ed. Hermann Mutschmann. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0544.tlg001.local001/","quality":"proofread"}}