{"kind":"section","lang":"grc","language":"Ancient Greek","title":"Testimonia 2.26.3","citation":"Thales, Testimonia 2.26.3","ref":"2.26.3","level":null,"urn":null,"url":"https://interlinea.aeterna-institute.org/library/greek/thales/testimonia/2.26.3","api":"https://interlinea.aeterna-institute.org/api/v1/library/greek/thales/testimonia/2.26.3","markdown":"https://interlinea.aeterna-institute.org/library/greek/thales/testimonia/2.26.3.md","author":{"name":"Thales","url":"https://interlinea.aeterna-institute.org/library/greek/thales"},"work":{"title":"Testimonia","url":"https://interlinea.aeterna-institute.org/library/greek/thales/testimonia","urn":"urn:cts:greekLit:tlg1705.tlg002"},"verse":false,"words":152,"text":"12. ARISTOT. Metaphys. A 3. 983b18 τὸ μέντοι πλῆθος καὶ τὸ εἶδος τῆς τοιαύτης ἀρχῆς οὐ τὸ αὐτὸ πάντες λέγουσιν, ἀλλὰ Θαλῆς μὲν ὁ τῆς τοιαύτης ἀρχῆς φιλοσοφίας ὕδωρ εἶναι φησιν (διὸ καὶ τὴν γῆν ἐφ' ὕδατος ἀπεφαίνετο εἶναι), λαβὼν ἴσως τὴν ὑπόληψιν ταύτην ἐκ τοῦ πάντων ὅρῶν τὴν τροφὴν ὑγρὰν οὔσαν καὶ αὐτὸ τὸ θερμὸν ἐκ τούτου γιγνόμενον καὶ τούτῳ ζῶν (τὸ δ' ἐξ οὐ γίγνεται, τοῦτ' ἐστὶν ἀρχὴ πάντων), διὰ τε δὴ τοῦτο τὴν ὑπόληψιν λαβὼν ταύτην καὶ διὰ τὸ πάντων τὰ σπέρματα τὴν φύσιν ὑγρὰν ἔχειν, τὸ δ' ὕδωρ ἀρχὴ τῆς φύσεώς ἐστι τοῖς ὑγροῖς. εἰσὶ δὲ τινες οἱ καὶ τοὺς παμπαλαιούς καὶ πολὺ πρὸ τῆς νῦν γενέσεως καὶ πρώτους θεολογήσαντας οὕτως οἴονται περὶ τῆς φύσεως ὑπολαβεῖν· Ὠκεανόν τε γὰρ καὶ Τηθύν ἐποίησαν τῆς γενέσεως πατέρας, καὶ τὸν ὄρκον τῶν θεῶν ὕδωρ, τὴν καλουμένην ὑπ' αὐτῶν Στίγχα τῶν ποιητῶν· τιμιώτατον μὲν γὰρ τὸ πρεσβύτατον, ὄρκος δὲ τὸ τιμιώτατόν ἐστιν.","prev":{"citation":"Testimonia 2.26.2","label":"2.26.2","url":"https://interlinea.aeterna-institute.org/library/greek/thales/testimonia/2.26.2","api":"https://interlinea.aeterna-institute.org/api/v1/library/greek/thales/testimonia/2.26.2"},"next":{"citation":"Testimonia 2.26.4","label":"2.26.4","url":"https://interlinea.aeterna-institute.org/library/greek/thales/testimonia/2.26.4","api":"https://interlinea.aeterna-institute.org/api/v1/library/greek/thales/testimonia/2.26.4"},"credit":{"text":"Thales, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc003411","quality":"ocr"}}