{"kind":"section","lang":"grc","language":"Ancient Greek","title":"Testimonia 275.5","citation":"Theopompus, Testimonia 275.5","ref":"275.5","level":null,"urn":null,"url":"https://interlinea.aeterna-institute.org/library/greek/theopompus-hist/testimonia/275.5","api":"https://interlinea.aeterna-institute.org/api/v1/library/greek/theopompus-hist/testimonia/275.5","markdown":"https://interlinea.aeterna-institute.org/library/greek/theopompus-hist/testimonia/275.5.md","author":{"name":"Theopompus","url":"https://interlinea.aeterna-institute.org/library/greek/theopompus-hist"},"work":{"title":"Testimonia","url":"https://interlinea.aeterna-institute.org/library/greek/theopompus-hist/testimonia","urn":"urn:cts:greekLit:tlg0566.tlg001"},"verse":false,"words":142,"text":"ΚΕΦΑΛΑΙΟΝ ΙΔ'. ΑΠΟΛΛΟΔΩΡΟΥ ΒΙΒΛΙΟΘΗΚΗΣ Γ, δ'. καὶ δράκοντος, τῆς Ἀττικῆς ἐβασίλευσε πρῶτος, καὶ τὴν γῆν, πρότερον λεγομένην Ἄκτην, ἀφ’ ἑαυτοῦ Κεκροπίαν ὤνόμασεν. 2Ἐπὶ τούτου, φασίν, ἔδοξε τοῖς θεοῖς πόλεις καταλαβεῖσθαι, ἐν αἷς ἑμέλουν ἔχειν τιμὰς ἰδίας ἕκαστος. 3Ἥκεν οὖν πρῶτος Ποσειδῶν ἐπὶ τὴν Ἀττικὴν, καὶ πλήξας τῇ τριαίνῃ, κατὰ μέσην τὴν ἀκρόπολιν ἀνέφηνε θάλασσαν, ἣν νῦν Ἐρεχθῦδα κα-λοῦσι. 4Μετὰ δὲ τοῦτον ἦκεν Ἀθηνᾶ· καὶ ποιησαμένη τῆς καταλήψεως Κέκροπα μάρτυρα, ἐφύτευσεν ἐλαίαν, ἥ νῦν ἐν τῷ Πανδροσίῳ δείκνυται. 5Γενομένης δὲ ἐριδος ἀμφοῖν περὶ τῆς χώρας, Ἀθηνᾶν καὶ Ποσειδῶνα διαλύσας Ζεὺς, κριτὰς ἔδωκεν, οὐχ, ὡς ἐπών τινες, Κέκροπα καὶ Κραναὸν, οὐδὲ Ἐρεχθέα, θεοὺς δὲ τοὺς δώδεκα. 6Καὶ τούτων δικαζόντων ἡ χώρα τῆς Ἀθηνᾶς ἐκρίθη, Κέκροπος μαρτυρήσαντος, ὅτι πρῶτον τὴν ἐλαίαν ἐφύτευσεν. Ἀθηνᾶ μὲν οὖν ἀφ’ ἑαυτῆς τὴν πόλιν ἐκάλεσεν Ἀθήνας· 7Ποσειδῶν δέ, θυμῷ ὀργισθεὶς, τὸ Θριάσιον πεδίον ἐπέκλυσεν καὶ τὴν Ἀττικὴν ὑφαλον ἐποίησε.","prev":{"citation":"Testimonia 270.2","label":"270.2","url":"https://interlinea.aeterna-institute.org/library/greek/theopompus-hist/testimonia/270.2","api":"https://interlinea.aeterna-institute.org/api/v1/library/greek/theopompus-hist/testimonia/270.2"},"next":{"citation":"Testimonia 277.1-278.1","label":"277.1 to 278.1","url":"https://interlinea.aeterna-institute.org/library/greek/theopompus-hist/testimonia/277.1","api":"https://interlinea.aeterna-institute.org/api/v1/library/greek/theopompus-hist/testimonia/277.1"},"credit":{"text":"Theopompus Hist., Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc003483","quality":"ocr"}}