{"kind":"section","lang":"la","language":"Latin","title":"Historia Hierosolymitanae Expeditionis 2.1.85-87","citation":"Albert of Aix, Historia Hierosolymitanae Expeditionis 2.1.85-87","ref":"2.1.85","level":null,"urn":null,"url":"https://interlinea.aeterna-institute.org/library/latin/albert-of-aix/historia-hierosolymitanae-expeditionis/2.1.85","api":"https://interlinea.aeterna-institute.org/api/v1/library/latin/albert-of-aix/historia-hierosolymitanae-expeditionis/2.1.85","markdown":"https://interlinea.aeterna-institute.org/library/latin/albert-of-aix/historia-hierosolymitanae-expeditionis/2.1.85.md","author":{"name":"Albert of Aix","url":"https://interlinea.aeterna-institute.org/library/latin/albert-of-aix"},"work":{"title":"Historia Hierosolymitanae Expeditionis","url":"https://interlinea.aeterna-institute.org/library/latin/albert-of-aix/historia-hierosolymitanae-expeditionis","urn":null},"verse":false,"words":218,"text":"CAP. XLIII. - Post victoriam quid inter fideles Domini convenerit, et quomodo sacer ordo curaverit cadavera prostratorum. [0437B] Christiani ergo victores, quidquid in stipendio suae expeditionis Turci conduxerant, frumentum, vinum non modicum, buflos, boves et arietes, camelos, asinos, equos et mulos, et praeterea aurum pretiosum et argentum infinitum, papiliones mirifici decoris et operis abstulerunt. In hujus victoriae prospero [0438A] successu omnes unanimiter, Boemundus scilicet et caeteri principes praefati, qui erant ductores et columnae exercitus, in concordiam et consilium redeunt, et ab illo die commistis cibariis cunctisque rebus necessariis, omnia communia habere decreverunt. Quod et actum est. In hoc conflictu belli Turcorumque diffugio, nonnulli Christianorum militum sagittis vulnerati perierunt; Turcorum autem tria millia cecidisse referuntur. Hoc tam crudeli certamine finito, circa flumen quoddam et ejus carectum Christiani milites spatio trium dierum quieverunt, curantes corpora nimis fessa ex abundantia escarum, quas Turci occisi reliquerant. Episcopi vero, presbyteri, monachi qui aderant, corpora occisorum terrae tradiderunt, animas fideles illorum [0438B] in manu Jesu Christi precibus et psalmis commendantes. Solymanus jam denuo victus, Alpes Romaniae vix evadens condescenderat, nihil ultra spei habens urbis Nicaeae, uxoris filiorumque, ac nimium luctum faciens suorum, quos ante hos dies in campo Nicaeae exstinctos a Gallis amiserat, et nunc eorum quos in valle Gorgonia captos et peremptos reliquit. Albert of Aix Medieval Latin The Latin Library The Classics Page","prev":{"citation":"Historia Hierosolymitanae Expeditionis 2.1.83-84","label":"2.1.83 to 2.1.84","url":"https://interlinea.aeterna-institute.org/library/latin/albert-of-aix/historia-hierosolymitanae-expeditionis/2.1.83","api":"https://interlinea.aeterna-institute.org/api/v1/library/latin/albert-of-aix/historia-hierosolymitanae-expeditionis/2.1.83"},"next":{"citation":"Historia Hierosolymitanae Expeditionis 3.1.1-4","label":"3.1.1 to 3.1.4","url":"https://interlinea.aeterna-institute.org/library/latin/albert-of-aix/historia-hierosolymitanae-expeditionis/3.1.1","api":"https://interlinea.aeterna-institute.org/api/v1/library/latin/albert-of-aix/historia-hierosolymitanae-expeditionis/3.1.1"},"credit":{"text":"Albert of Aix, HISTORIA HIEROSOLYMITANAE EXPEDITIONIS. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/albertofaix.html","quality":"proofread"}}