{"kind":"section","lang":"la","language":"Latin","title":"Sermones 3.1.9","citation":"Albertano of Brescia, Sermones 3.1.9","ref":"3.1.9","level":null,"urn":null,"url":"https://interlinea.aeterna-institute.org/library/latin/albertano-of-brescia/sermones/3.1.9","api":"https://interlinea.aeterna-institute.org/api/v1/library/latin/albertano-of-brescia/sermones/3.1.9","markdown":"https://interlinea.aeterna-institute.org/library/latin/albertano-of-brescia/sermones/3.1.9.md","author":{"name":"Albertano of Brescia","url":"https://interlinea.aeterna-institute.org/library/latin/albertano-of-brescia"},"work":{"title":"Sermones","url":"https://interlinea.aeterna-institute.org/library/latin/albertano-of-brescia/sermones","urn":null},"verse":false,"words":308,"text":"Refrenanda eciam est lingua ut non sit verbosa. Nam, ut ait Sapiens: \"Verbosa lingua malitie indicium est.\" Refrenanda eciam estlingua ut sit verax et non mendax, secundum verbum Domini dicentis: \"Sit sermo vester: est, est: non, non,\" quod amplius est, a maloest. Refrenanda est eciam lingua ut sit tarda ad respondendum et loquendum, et non velox. Nam dixit Sanctus Iacobus: \"Esto velox adaudiendum: tardus vero ad loquendum, et tardus ad iram.\" Et Salomon ait: \"Vidisti hominem velocem ad loquendum? Stulticia magissperanda est, quam illius corectio.\" Et alibi: \"Qui prius respondit, quam audiat, stultum se esse demonstrat et confusione dignum.\" Itemrefrenanda est lingua ut sit dulcis et bene loquatur. Nam, Salomon ait: \"Verbus dulce multiplicat amicos, et mitigat inimicos.\" Et eciamquidam alius dixit: \"Principium amicitie est bene loqui, maledicere vero exordium inimiciciarum.\" Et Pamphilus dixit: \"Excitat etnutrit facundia dulcis amorem.\" \"Lingua enim eucharis gratiosa, in bono homine habundat,\" ut Salomon ait. Refrendanda insuper estlingua ut sit molis et moles proferat responsiones. Nam, ut Salomon dixit: \"Mollis responsio frangit iram: sermoque durus suscitatfurorem.\" Refrenanda est insuper lingua ut non proferat inania verba. Ait enim Seneca De formula honeste vite: Sermo quoque tuusnon sit inanis, sed aut doceat, aut consoletur, aut precipiat, aut moneat.\" Refrenanda est eciam lingua ut non proferat turpia verba, velinhonesta. Nam ut Apostolus ait: \"Turpia colloquia bonos mores corumpunt.\" Et Seneca dixit: \"A verbis quoque turpibus abstineto,quia licentia eorum impudentiam nutrit.\" Et Socrates dixit: \"Que facere turpe est, ea nec dicere honestum puto.\" Refrenanda est eciamlingua ut non certet de ea re, que non molestat. Ait enim Salomon: \"De ea re, que non molestat, ne certaveris.\" Refrenari eciam debetlingua ut non loquatur obscura vel ambigua, sed clara et aperta. Nam, ut ait Sapiens: \"Sanctus est mutum esse quam, quod nemointelligat, dicere.\" Sic denique linguam refrenare debemus, ut nostros sermones nostrasque locutiones ad sanctum Dei serviciumvaleamus exercere.","prev":{"citation":"Sermones 3.1.7-8","label":"3.1.7 to 3.1.8","url":"https://interlinea.aeterna-institute.org/library/latin/albertano-of-brescia/sermones/3.1.7","api":"https://interlinea.aeterna-institute.org/api/v1/library/latin/albertano-of-brescia/sermones/3.1.7"},"next":{"citation":"Sermones 3.1.10-11","label":"3.1.10 to 3.1.11","url":"https://interlinea.aeterna-institute.org/library/latin/albertano-of-brescia/sermones/3.1.10","api":"https://interlinea.aeterna-institute.org/api/v1/library/latin/albertano-of-brescia/sermones/3.1.10"},"credit":{"text":"Albertano of Brescia, SERMONES. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/albertanus.html","quality":"proofread"}}