{"kind":"section","lang":"la","language":"Latin","title":"Ald. Carm. eccl. 4.10","citation":"Aldhelm, Ald. Carm. eccl. 4.10","ref":"4.10","level":null,"urn":null,"url":"https://interlinea.aeterna-institute.org/library/latin/aldhelm/ald-carm-eccl/4.10","api":"https://interlinea.aeterna-institute.org/api/v1/library/latin/aldhelm/ald-carm-eccl/4.10","markdown":"https://interlinea.aeterna-institute.org/library/latin/aldhelm/ald-carm-eccl/4.10.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Ald. Carm. eccl.","url":"https://interlinea.aeterna-institute.org/library/latin/aldhelm/ald-carm-eccl","urn":null},"verse":true,"words":118,"text":"Matheus egregium describens dogma salutis\nEbrea per simplum digessit dicta libellum\nPlurima sanctificis narrans miracula scedis,\nQuae modo per mundum divulgant scripta triquadrum;\nQuem Fison fluvius paradisi fonte redundans\nMire portendit pandens misteria rerum:\nFontis designat salvator iure figuram,\nDe quo quadrifluis decurrunt flumina rivis:\nQuattuor ut quondam nascentis origine saecli\nLimpida per latum fluxerunt flumina mundum,\nQuae rubros flores et prata virentia glebis\nGurgitibus puris et glauco rore rigabant,\nSic doctrina Dei fluxit de fonte quaterno\nArida divinis irrorans corda scatebris.\nHanc scriptor verax expressit Matheus olim\nQuemque profeta Dei sacro spiramine plenus\nHumana specie vidit signarier olim,\nQuod Christi patres et avos numeraret avorum,\nE quis salvator nostrae cunabula sarcis\nSumpserat in mundo scelerata piacula demens.","prev":{"citation":"Ald. Carm. eccl. 4.9","label":"Part 4, IX. in Sancti Bartholomei.","url":"https://interlinea.aeterna-institute.org/library/latin/aldhelm/ald-carm-eccl/4.9","api":"https://interlinea.aeterna-institute.org/api/v1/library/latin/aldhelm/ald-carm-eccl/4.9"},"next":{"citation":"Ald. Carm. eccl. 4.11","label":"Part 4, XI. in Sancti Simonis Zelotae.","url":"https://interlinea.aeterna-institute.org/library/latin/aldhelm/ald-carm-eccl/4.11","api":"https://interlinea.aeterna-institute.org/api/v1/library/latin/aldhelm/ald-carm-eccl/4.11"},"credit":{"text":"Aldhelm, Ald. Carm. eccl.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}