{"kind":"section","lang":"la","language":"Latin","title":"Ald. Carm. eccl. 4.11","citation":"Aldhelm, Ald. Carm. eccl. 4.11","ref":"4.11","level":null,"urn":null,"url":"https://interlinea.aeterna-institute.org/library/latin/aldhelm/ald-carm-eccl/4.11","api":"https://interlinea.aeterna-institute.org/api/v1/library/latin/aldhelm/ald-carm-eccl/4.11","markdown":"https://interlinea.aeterna-institute.org/library/latin/aldhelm/ald-carm-eccl/4.11.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Ald. Carm. eccl.","url":"https://interlinea.aeterna-institute.org/library/latin/aldhelm/ald-carm-eccl","urn":null},"verse":true,"words":59,"text":"Simon Zelotes necnon Cananeus idem,\nInter apostolicos Petri cognomine functus;\nCoetus qui docuit gentiles dogma supernum,\nUt celsum peterent caelesti tramite regnum;\nCuius in hac aula sacra conservabitur ara,\nDum polus et tellus ac ponti flustra fatescant,\nDonec supremis scintillent saecla favillis\nEt mundi moles montes collesque liquescant\nAtque creaturae cerarum fluxus adinstar\nMachina succumbat flamma crepitante per orbem.","prev":{"citation":"Ald. Carm. eccl. 4.10","label":"Part 4, X. in Sancti Mathei.","url":"https://interlinea.aeterna-institute.org/library/latin/aldhelm/ald-carm-eccl/4.10","api":"https://interlinea.aeterna-institute.org/api/v1/library/latin/aldhelm/ald-carm-eccl/4.10"},"next":{"citation":"Ald. Carm. eccl. 4.12","label":"Part 4, XII. in Sancti Thaddei.","url":"https://interlinea.aeterna-institute.org/library/latin/aldhelm/ald-carm-eccl/4.12","api":"https://interlinea.aeterna-institute.org/api/v1/library/latin/aldhelm/ald-carm-eccl/4.12"},"credit":{"text":"Aldhelm, Ald. Carm. eccl.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}