{"kind":"section","lang":"la","language":"Latin","title":"Ald. Carm. eccl. 4.12","citation":"Aldhelm, Ald. Carm. eccl. 4.12","ref":"4.12","level":null,"urn":null,"url":"https://interlinea.aeterna-institute.org/library/latin/aldhelm/ald-carm-eccl/4.12","api":"https://interlinea.aeterna-institute.org/api/v1/library/latin/aldhelm/ald-carm-eccl/4.12","markdown":"https://interlinea.aeterna-institute.org/library/latin/aldhelm/ald-carm-eccl/4.12.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Ald. Carm. eccl.","url":"https://interlinea.aeterna-institute.org/library/latin/aldhelm/ald-carm-eccl","urn":null},"verse":true,"words":160,"text":"Supremus numerum concludat Thaddeus almum,\nCui cognomen erat praedictum Libbeus olim;\nQuem duxisse ferunt Christi cum grammate scedam\nAbgaro, quondam qui regni sceptra regebat,\nPostquam Tartareum damnavit morte tyrannum\nEt tetris herebi gaudens emersit ab antris,\nExin sidereum Christus conscendit Olimpum.\nDicitur hic etiam vulgato nomine Iudas;\nCuius praesenti laudes celebrantur in aula.\nQui nobis unum facundo famine biblum\nEdidit antiquas promulgans ore loquelas,\nQuas Enoch prisco descripsit tempore vates,\nAnte rapax mundum quam pontus plecteret undis,\nDicens: 'Ecce, venit Dominus cum milibus almis\nPonere iudicium cunctis habitantibus orbem!'\nQuos nubes appellat aqua stillante carentes,\nFrigida quas rapidis dispergunt flamina ventis,\nNec non arboribus sterili de stipite natis\nComparat, autumni quae fructum tempore perdunt;\nSic quoque spumiferis undarum fluctibus aequat\nErrabunda vocans caelorum sidera sontes,\nQuis servata restat tenebrosis poena procellis.\nNempe feras gentes et Ponti barbara regna\nIudas ad Dominum doctrinis flexerat almis;\nCuius in Armenia sopitum morte cadaver\nExsurrecturum fatali fine quiescit,\nSed tamen aethereas lustravit spiritus arces.","prev":{"citation":"Ald. Carm. eccl. 4.11","label":"Part 4, XI. in Sancti Simonis Zelotae.","url":"https://interlinea.aeterna-institute.org/library/latin/aldhelm/ald-carm-eccl/4.11","api":"https://interlinea.aeterna-institute.org/api/v1/library/latin/aldhelm/ald-carm-eccl/4.11"},"next":{"citation":"Ald. Carm. eccl. 13","label":"Part 4, XIII.","url":"https://interlinea.aeterna-institute.org/library/latin/aldhelm/ald-carm-eccl/13","api":"https://interlinea.aeterna-institute.org/api/v1/library/latin/aldhelm/ald-carm-eccl/13"},"credit":{"text":"Aldhelm, Ald. Carm. eccl.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}