{"kind":"section","lang":"la","language":"Latin","title":"Ald. Carm. eccl. 4.3","citation":"Aldhelm, Ald. Carm. eccl. 4.3","ref":"4.3","level":null,"urn":null,"url":"https://interlinea.aeterna-institute.org/library/latin/aldhelm/ald-carm-eccl/4.3","api":"https://interlinea.aeterna-institute.org/api/v1/library/latin/aldhelm/ald-carm-eccl/4.3","markdown":"https://interlinea.aeterna-institute.org/library/latin/aldhelm/ald-carm-eccl/4.3.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Ald. Carm. eccl.","url":"https://interlinea.aeterna-institute.org/library/latin/aldhelm/ald-carm-eccl","urn":null},"verse":true,"words":91,"text":"Hic simul Andreas templum tutabitur ara,\nPetri germanus, qui quondam funera laetus\nHorrida perpessus sancta cum carne pependit.\nQuem Deus oceani lustrantem flustra phasello\nCaelitus adscivit gradiens per litora ponti;\nProtinus Andreas compunctus voce Tonantis\nCredidit aeternum salvantem saecula regem\nPendula capturae contemnens retia spretae\nEt dicto citius Christi praecepta facessit.\nQuis numerare valet populosis oppida turbis,\nIllius eloquio quae fana profana friabant\nCredula pandentes regi praecordia Christo?\nNempe vicem Domino solvebat calce cruenta,\nDum crucis in patulo suspensus stipite martyr\nUltima mortalis clausit spiracula vitae\nPurpureas sumens Christo regnante coronas.","prev":{"citation":"Ald. Carm. eccl. 4.2","label":"Part 4, II. in Sancti Pauli.","url":"https://interlinea.aeterna-institute.org/library/latin/aldhelm/ald-carm-eccl/4.2","api":"https://interlinea.aeterna-institute.org/api/v1/library/latin/aldhelm/ald-carm-eccl/4.2"},"next":{"citation":"Ald. Carm. eccl. 4.4","label":"Part 4, IV. in Sancti Iacobi.","url":"https://interlinea.aeterna-institute.org/library/latin/aldhelm/ald-carm-eccl/4.4","api":"https://interlinea.aeterna-institute.org/api/v1/library/latin/aldhelm/ald-carm-eccl/4.4"},"credit":{"text":"Aldhelm, Ald. Carm. eccl.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}