{"kind":"section","lang":"la","language":"Latin","title":"Ald. Carm. eccl. 4.4","citation":"Aldhelm, Ald. Carm. eccl. 4.4","ref":"4.4","level":null,"urn":null,"url":"https://interlinea.aeterna-institute.org/library/latin/aldhelm/ald-carm-eccl/4.4","api":"https://interlinea.aeterna-institute.org/api/v1/library/latin/aldhelm/ald-carm-eccl/4.4","markdown":"https://interlinea.aeterna-institute.org/library/latin/aldhelm/ald-carm-eccl/4.4.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Ald. Carm. eccl.","url":"https://interlinea.aeterna-institute.org/library/latin/aldhelm/ald-carm-eccl","urn":null},"verse":true,"words":83,"text":"Hic quoque lacobus cretus genitore vetusto\nDilubrum sancto defendit tegmine celsum;\nQui clamante pio ponti de margine Christo\nLinquebat proprium panda cum puppe parentem.\nPrimitus Hispanas convertit dogmate gentes\nBarbara divinis convertens agmina dictis,\nQuae priscos dudum ritus et lurida fana\nDaemonis horrendi decepta fraude colebant.\nPlurima hic praesul patravit signa stupendus,\nQuae nunc in cartis scribuntur rite quadratis.\nHunc trux Herodes, regni tetrarcha, tyrannus\nPercussum machera crudeli morte necavit,\nSed pater excelsus, qui sanctos iure triumphat,\nVexit in aethereas meritis fulgentibus arces.","prev":{"citation":"Ald. Carm. eccl. 4.3","label":"Part 4, III. in Sancti Andreae.","url":"https://interlinea.aeterna-institute.org/library/latin/aldhelm/ald-carm-eccl/4.3","api":"https://interlinea.aeterna-institute.org/api/v1/library/latin/aldhelm/ald-carm-eccl/4.3"},"next":{"citation":"Ald. Carm. eccl. 4.5","label":"Part 4, V. in Sancti Iohannis Apostoli et Evangelistae.","url":"https://interlinea.aeterna-institute.org/library/latin/aldhelm/ald-carm-eccl/4.5","api":"https://interlinea.aeterna-institute.org/api/v1/library/latin/aldhelm/ald-carm-eccl/4.5"},"credit":{"text":"Aldhelm, Ald. Carm. eccl.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}