{"kind":"section","lang":"la","language":"Latin","title":"Ald. Carm. eccl. 4.5","citation":"Aldhelm, Ald. Carm. eccl. 4.5","ref":"4.5","level":null,"urn":null,"url":"https://interlinea.aeterna-institute.org/library/latin/aldhelm/ald-carm-eccl/4.5","api":"https://interlinea.aeterna-institute.org/api/v1/library/latin/aldhelm/ald-carm-eccl/4.5","markdown":"https://interlinea.aeterna-institute.org/library/latin/aldhelm/ald-carm-eccl/4.5.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Ald. Carm. eccl.","url":"https://interlinea.aeterna-institute.org/library/latin/aldhelm/ald-carm-eccl","urn":null},"verse":true,"words":118,"text":"Nec minus interea glomeretur virgo Iohannes,\nQuem germana simul iunxit concordia Christo,\nDum pandam vetulo liquit cum patre carinam\nRetibus aequoreas claudentem marmore praedas;\nQui prius algosis verrebat caerula remis\nPiscibus insidias nectens sub gurgite ponti;\nSed clamante Deo luctantes litore limphas\nRetiferamque ratem caro cum fratre relinquit\nEt Dominum sequitur, caeli qui regnat in arce.\nHic fuit egregius Christi regnantis alumnus,\nOmnibus anterior, magno dilectus amore;\nQuem rex extorrem, Romae qui regna regebat,\nTrusit in exilium cumba trans caerula vectum,\nExul qua positus rerum spectacula plura\nCrevit in extasi caelesti numine fretus,\nQuae modo membranis per mundum scripta leguntur.\nPausat in Effeso praefatus corpore praesul\nPraemia sumptums, cum clanget classica salpix,\nUltima dum priscis labuntur tempora saeclis.","prev":{"citation":"Ald. Carm. eccl. 4.4","label":"Part 4, IV. in Sancti Iacobi.","url":"https://interlinea.aeterna-institute.org/library/latin/aldhelm/ald-carm-eccl/4.4","api":"https://interlinea.aeterna-institute.org/api/v1/library/latin/aldhelm/ald-carm-eccl/4.4"},"next":{"citation":"Ald. Carm. eccl. 4.6","label":"Part 4, VI. in Sancti Thomae Apostoli.","url":"https://interlinea.aeterna-institute.org/library/latin/aldhelm/ald-carm-eccl/4.6","api":"https://interlinea.aeterna-institute.org/api/v1/library/latin/aldhelm/ald-carm-eccl/4.6"},"credit":{"text":"Aldhelm, Ald. Carm. eccl.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}