{"kind":"section","lang":"la","language":"Latin","title":"Ald. Carm. eccl. 4.8","citation":"Aldhelm, Ald. Carm. eccl. 4.8","ref":"4.8","level":null,"urn":null,"url":"https://interlinea.aeterna-institute.org/library/latin/aldhelm/ald-carm-eccl/4.8","api":"https://interlinea.aeterna-institute.org/api/v1/library/latin/aldhelm/ald-carm-eccl/4.8","markdown":"https://interlinea.aeterna-institute.org/library/latin/aldhelm/ald-carm-eccl/4.8.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Ald. Carm. eccl.","url":"https://interlinea.aeterna-institute.org/library/latin/aldhelm/ald-carm-eccl","urn":null},"verse":true,"words":104,"text":"Hic quoque commemorat metrorum comma Philippum,\nQuem pius aethrali ditavit gratia Christus;\nBarbara qui docuit doctrinis agmina sacris\nCredere per Scithiam salvantem saecula Christum,\nQui dudum tetra torpebant mortis in umbra\nAuctorem lucis tenebroso corde negantes\nAtque creaturae famulantes ordine verso,\nDonec apostolicam hauserunt aure loquelam.\nLimpida perpetui cernentes lumina Phoebi\nOmnes certatim merguntur gurgite sacro\nFlagitium sceleris purgantes fonte lavacri.\nInde Asiam properat sanctis convertere biblis,\nIdola quae dudum decepta fraude colebat,\nCredula sed citius pandit praecordia Christo,\nSplendida discipuli dum fantis verba capessit.\nSic felix Asiae convertit dogmate regnum,\nIn qua post obitum fatali sorte quiescit;\nCuius hoc templum sacrata tuebitur ara.","prev":{"citation":"Ald. Carm. eccl. 4.7","label":"Part 4, VII. in Sancti Iacobi Apostoli.","url":"https://interlinea.aeterna-institute.org/library/latin/aldhelm/ald-carm-eccl/4.7","api":"https://interlinea.aeterna-institute.org/api/v1/library/latin/aldhelm/ald-carm-eccl/4.7"},"next":{"citation":"Ald. Carm. eccl. 4.9","label":"Part 4, IX. in Sancti Bartholomei.","url":"https://interlinea.aeterna-institute.org/library/latin/aldhelm/ald-carm-eccl/4.9","api":"https://interlinea.aeterna-institute.org/api/v1/library/latin/aldhelm/ald-carm-eccl/4.9"},"credit":{"text":"Aldhelm, Ald. Carm. eccl.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}