{"kind":"section","lang":"la","language":"Latin","title":"Ald. Carm. eccl. 4.9","citation":"Aldhelm, Ald. Carm. eccl. 4.9","ref":"4.9","level":null,"urn":null,"url":"https://interlinea.aeterna-institute.org/library/latin/aldhelm/ald-carm-eccl/4.9","api":"https://interlinea.aeterna-institute.org/api/v1/library/latin/aldhelm/ald-carm-eccl/4.9","markdown":"https://interlinea.aeterna-institute.org/library/latin/aldhelm/ald-carm-eccl/4.9.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Ald. Carm. eccl.","url":"https://interlinea.aeterna-institute.org/library/latin/aldhelm/ald-carm-eccl","urn":null},"verse":true,"words":83,"text":"Ultima terrarum praepollens India constat,\nQuas tres in partes librorum scripta sequestrant.\nIdola quae coluit paganis dedita sacris;\nSed Bartholomeus destruxit fana profana\nEffigies veterum confringens iure deorum;\nEbrea quem clamat peregrinis lingua loquelis\n'Proles suspendentis aquas in nubibus atris,'\nQuod signat procerum 'caelestis' dogma 'profundi,\nUmida nimbosis dum stillant aethera guttis,\nUt quondam cecinit psalmorum carmine vates:\n'Ecce, latex rorat tenebrosus nubibus aeris.'\nPost haec martirii mercatur serta cruenta\nEt sequitur Dominum pictus cum stigmate Christi:\nCuius hoc templum veneranda tuebitur ara.","prev":{"citation":"Ald. Carm. eccl. 4.8","label":"Part 4, VIII. in Sancti Philippi.","url":"https://interlinea.aeterna-institute.org/library/latin/aldhelm/ald-carm-eccl/4.8","api":"https://interlinea.aeterna-institute.org/api/v1/library/latin/aldhelm/ald-carm-eccl/4.8"},"next":{"citation":"Ald. Carm. eccl. 4.10","label":"Part 4, X. in Sancti Mathei.","url":"https://interlinea.aeterna-institute.org/library/latin/aldhelm/ald-carm-eccl/4.10","api":"https://interlinea.aeterna-institute.org/api/v1/library/latin/aldhelm/ald-carm-eccl/4.10"},"credit":{"text":"Aldhelm, Ald. Carm. eccl.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}