{"kind":"section","lang":"la","language":"Latin","title":"Ald. Carm. eccl. 5","citation":"Aldhelm, Ald. Carm. eccl. 5","ref":"5","level":null,"urn":null,"url":"https://interlinea.aeterna-institute.org/library/latin/aldhelm/ald-carm-eccl/5","api":"https://interlinea.aeterna-institute.org/api/v1/library/latin/aldhelm/ald-carm-eccl/5","markdown":"https://interlinea.aeterna-institute.org/library/latin/aldhelm/ald-carm-eccl/5.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Ald. Carm. eccl.","url":"https://interlinea.aeterna-institute.org/library/latin/aldhelm/ald-carm-eccl","urn":null},"verse":true,"words":83,"text":"V.\nIN SANCTI MATHIAE APOSTOLI 〈ECCLESIA〉.\nHoc sacer observat dilubrum Mathias almum,\nUnus qui fertur de septuaginta fuisse\nDiscipulis Domini, sacrum qui dogma docebant;\nQuem Deus electum signavit sorte superna,\nDum Iudas Scarioth strofa deceptus iniqua\nCulmen apostolici celsum perdebat honoris\nAtque fibras olidas tetro cum viscere fudit,\nCum crepuit medius laqueo suspensus ab alto,\nQui Dominum lucis redimentem sanguine saecla\nVendidit, ut cupidus fulvum nomisma capessat.\nMathias idcirco spreto latrone nefando\nIn Domino fretus numerum supplevit eundem:\nIunctus apostolicis gratatur iure triumphis.","prev":{"citation":"Ald. Carm. eccl. 13","label":"Part 4, XIII.","url":"https://interlinea.aeterna-institute.org/library/latin/aldhelm/ald-carm-eccl/13","api":"https://interlinea.aeterna-institute.org/api/v1/library/latin/aldhelm/ald-carm-eccl/13"},"next":null,"credit":{"text":"Aldhelm, Ald. Carm. eccl.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}