{"kind":"section","lang":"la","language":"Latin","title":"Chart. Ald. 7-25","citation":"Aldhelm, Chart. Ald. 7-25","ref":"7","level":null,"urn":null,"url":"https://interlinea.aeterna-institute.org/library/latin/aldhelm/chart-ald/7","api":"https://interlinea.aeterna-institute.org/api/v1/library/latin/aldhelm/chart-ald/7","markdown":"https://interlinea.aeterna-institute.org/library/latin/aldhelm/chart-ald/7.md","author":{"name":"Aldhelm","url":"https://interlinea.aeterna-institute.org/library/latin/aldhelm"},"work":{"title":"Chart. Ald.","url":"https://interlinea.aeterna-institute.org/library/latin/aldhelm/chart-ald","urn":null},"verse":false,"words":387,"text":"Et idcirco sciendum est et contra aemulos promulgandum, multo magis me commodum augmentumque pontificali ecclesiae addidisse quam per vim abstraxisse. Postremo ut firmior praefatae donationis largitio iugiter mansura sit, praedictos abbates propriis manibus subscribere iussimus. Quodsi quis haec scripta et decreta nostrae definitionis irrita facere nitetur, sciat se ante tribunal Christi rationem redditurum. Actum publice iuxta flumen Bladon, VII. Kalendas septembris anno incarnationis Christi DCLXXV. Ego Leutherius acsi indignus episcopus rogatus a fratribus hanc donationis cartam subscripsi. Ego Cuniberctus abbas subscripsi. Ego Haeddi abbas subscripsi. Ego Hiddi presbiter subscripsi. Ego Wymberhtus presbiter subscripsi. Ego Hedda subscripsi. .. Fortuna fallentis saeculi procax non lacteo immarcescibilium liliorum candore amabilis, sed fellita eiulandae corruptionis amaritudine odibilis filios in valle lacrimarum fetentis carnis rictibus venenosis mordaciter dilacerat, quae quamvis arridendo sit infelicibus attrectabilis, Acherontici tamen ad ima Cociti, ni satus alti subveniat boantis, imprudenter est declivis. Et ideo quia ipsa ruinosa deficiendo tanaliter dilabitur, summopere festinandum est ad amoena indicibilis laetitiae arva, ubi himnidica angelicae iubilationis organa mellifluaque vernantium rosarum odoramina a bonis beatisque naribus inaestimabiliter dulcia capiuntur sineque calce auribus felicium suavia hauriuntur. Cuius amore felicitatis illectus ego Cenfrithus, comes Merciorum, quandam telluris particulam venerabili abbati Aldhelmo sub aestimatione X cassatorum in loco, qui dicitur Wdetun, ad serviendum Deo et Sancto Petro in perpetuum ius largitus sum cum consensu domini Ethelredi regis. Anno ab incarnatione Domini DCmoLXXXmo indictione VIII. Subscripserunt Theodorus archiepiscopus, Ethelredus rex Merciorum, Berhtwaldus subregulus, Cenfrithus patricius, Sexuulfus Licitfeld et Bosel Wigorniae episcopi. In nomine salvatoris nostri Ihesu Christi! 'Nihil intulimus in hunc mundum, verum nec auferre quid poterimus.' Idcirco terrenis et caducis aeterna et caelestia supernae patriae praemia mercanda sunt. Quapropter ego Caedvalla, disponente Domino rex, rogatus a venerando Vuilfrido episcopo, ut sibi aliquantulam terram ad suffragium vitae suae fratrumque suorum, qui secum conversarentur , et in divino servitio huius peregrinationis, quam vir venerandus diutius peregit, pro relaxatione criminum et perpetui praemii receptaculo largiri dignarer, eius precibus annuens terrenam sibi possessiunculam, de qua suggerere videbatur, pro remedio animae meae libenter impendi et hanc liberalitatem sub aestimatione LXX tributariorum taxavimus in illo loco, qui dicitur pecganham aliisque locis circumquaque adiacentibus (hoc est scrippaneg. ceorlatun. bucganora. beorganstede. northbeorganstede. crymesham se nothra mundanham. other mundanham) et haec omnia venerabili viro Vuilfrido cum consensu et devota confirmatione Ecgvaldi subreguli in potestatem propriae dominationis pro suae nimiae sanctitatis conversatione et nostrorum peccatorum relaxatione redegimus.","prev":{"citation":"Chart. Ald. 1-6","label":"1 to 6","url":"https://interlinea.aeterna-institute.org/library/latin/aldhelm/chart-ald/1","api":"https://interlinea.aeterna-institute.org/api/v1/library/latin/aldhelm/chart-ald/1"},"next":{"citation":"Chart. Ald. 26-39","label":"26 to 39","url":"https://interlinea.aeterna-institute.org/library/latin/aldhelm/chart-ald/26","api":"https://interlinea.aeterna-institute.org/api/v1/library/latin/aldhelm/chart-ald/26"},"credit":{"text":"Aldhelm, Chart. Ald.. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000827.zip","quality":"proofread"}}