{"kind":"section","lang":"la","language":"Latin","title":"Florida 13","citation":"Apuleius, Florida 13","ref":"13","level":null,"urn":"urn:cts:latinLit:phi1212.phi003.perseus-lat2:13","url":"https://interlinea.aeterna-institute.org/library/latin/apuleius/florida/13","api":"https://interlinea.aeterna-institute.org/api/v1/library/latin/apuleius/florida/13","markdown":"https://interlinea.aeterna-institute.org/library/latin/apuleius/florida/13.md","author":{"name":"Apuleius","url":"https://interlinea.aeterna-institute.org/library/latin/apuleius"},"work":{"title":"Florida","url":"https://interlinea.aeterna-institute.org/library/latin/apuleius/florida","urn":"urn:cts:latinLit:phi1212.phi003"},"verse":false,"words":75,"text":"…non enim mihi philosophia id genus orationem largita est, ut natura quibusdam auibus breuem et temporarium cantum commodauit, hirundinibus matutinum, cicadis meridianum, noctuis serum, ululis uespertinum, bubonibus nocturnum, gallis antelucanum; quippe haec animalia inter se uario tempore et uario modo occinunt et occipiunt carmine, scilicet galli expergifico, bubones gemulo, ululae querulo, noctuae intorto, cicadae obstrepero, hirundines perarguto. sed enim philosophi ratio et oratio tempore iugis est et auditu uenerabilis et intellectu utilis et modo omnicana.","prev":{"citation":"Florida 12","label":"12","url":"https://interlinea.aeterna-institute.org/library/latin/apuleius/florida/12","api":"https://interlinea.aeterna-institute.org/api/v1/library/latin/apuleius/florida/12"},"next":{"citation":"Florida 14","label":"14","url":"https://interlinea.aeterna-institute.org/library/latin/apuleius/florida/14","api":"https://interlinea.aeterna-institute.org/api/v1/library/latin/apuleius/florida/14"},"credit":{"text":"Apuleius, Florida, ed. Rudolf Helm. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi1212/phi003/phi1212.phi003.perseus-lat2.xml","quality":"proofread"}}