{"kind":"section","lang":"la","language":"Latin","title":"De Dono Perseverantiae 5.22-39","citation":"Augustine, De Dono Perseverantiae 5.22-39","ref":"5.22","level":null,"urn":null,"url":"https://interlinea.aeterna-institute.org/library/latin/augustine/de-dono-perseverantiae/5.22","api":"https://interlinea.aeterna-institute.org/api/v1/library/latin/augustine/de-dono-perseverantiae/5.22","markdown":"https://interlinea.aeterna-institute.org/library/latin/augustine/de-dono-perseverantiae/5.22.md","author":{"name":"Augustine","url":"https://interlinea.aeterna-institute.org/library/latin/augustine"},"work":{"title":"De Dono Perseverantiae","url":"https://interlinea.aeterna-institute.org/library/latin/augustine/de-dono-perseverantiae","urn":null},"verse":false,"words":277,"text":"Quid autem dici potest, cur perseverantia u5que in finem non donetur in Christo, cui donatur pati pro Christo, aut, ut expressius eloquar, cui donatur inori pro Christo? Nam et Petrus apostolus donum Dci hoc esse demonstrans: Melius est, inquit, bene facientes, si relit voluntas Dei, pali, quam male facientes (I Petr. III, 17). Cum dicit, si velit voluntas Dei: ostendit hoc divinitus donari, nec omnibus sanctis, ut pro Christo patiantur. Neque enim quos non vult voluntas Dei I pervenire ad experientiam gloriarnquc passionis, non perveniunt ad regnum Dei, si persevcraverint in Christo usque in lincm. Scd quis dicat, istis non donari hanc perseverantiam, qui ægritudine corporis vel quocumquc casu moriuntur in Christo; cum longe difficilior donetur illis, a quibus suscipitur et mors ipsa pro Christo? Multo quippe difficilius perseveratur, ubi hoc agit qui persequitur ne perseveretur, et propterea usque ad mortem sustinetur ut perseveretur. Illam proinde difficilius perseverantiam, istam facilius est habere: sed cui nihil difficile est, facile est utramque donare. Hanc enim promisit Deus, dicens: Timorem meum dabo in cor eorum, ut a me non recedant (Jerem. XXXII, 40). Quod quid est aliud, quam, Talis ac tantus erit Umor meus, quem dabo in cor corum, ut mihi perseveranter adhæreant? Cur autem perseverantia ista poscitur a Deo, si non datur a Deo? An et ista irrisoria petitio est, cum id ab eo petitur quod scitur non ipsum dare, sed ipso non dante esse in hominis potestate sicut irrisoria est eliam illa actio gratiarum, si ex hoc I gralix aguntur Deo, quod non donavit ipse, nec fecit? Sed quod ibi dixi (In libro superiore, n. 39), hoc et hic dico. Nolite errare, inquit Apostolus; Deus non irridetur (Galat.","prev":{"citation":"De Dono Perseverantiae 5.1-21","label":"5.1 to 5.21","url":"https://interlinea.aeterna-institute.org/library/latin/augustine/de-dono-perseverantiae/5.1","api":"https://interlinea.aeterna-institute.org/api/v1/library/latin/augustine/de-dono-perseverantiae/5.1"},"next":{"citation":"De Dono Perseverantiae 5.40-53","label":"5.40 to 5.53","url":"https://interlinea.aeterna-institute.org/library/latin/augustine/de-dono-perseverantiae/5.40","api":"https://interlinea.aeterna-institute.org/api/v1/library/latin/augustine/de-dono-perseverantiae/5.40"},"credit":{"text":"Augustine, De Dono Perseverantiae, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp757/tmp757/tmp757.tmp757.opp-lat1.xml","quality":"ocr"}}