{"kind":"section","lang":"la","language":"Latin","title":"De Quantitate Animae 65","citation":"Augustine, De Quantitate Animae 65","ref":"65","level":null,"urn":null,"url":"https://interlinea.aeterna-institute.org/library/latin/augustine/de-quantitate-animae/65","api":"https://interlinea.aeterna-institute.org/api/v1/library/latin/augustine/de-quantitate-animae/65","markdown":"https://interlinea.aeterna-institute.org/library/latin/augustine/de-quantitate-animae/65.md","author":{"name":"Augustine","url":"https://interlinea.aeterna-institute.org/library/latin/augustine"},"work":{"title":"De Quantitate Animae","url":"https://interlinea.aeterna-institute.org/library/latin/augustine/de-quantitate-animae","urn":"urn:cts:latinLit:stoa0040.stoa059"},"verse":false,"words":166,"text":"Deinde qnacro abs te, utrum putes in verbis nostris aliud esse ipsum sonum, aliud quod sono significatur. E. Ego utrumque idem puto. A. Dic mihi ergo, sonus ipse unde procedat cum loqueris. E. Quis dubitet a me procedere? A. Abs te ergo sol procedit, dum nominas solem? E. De sono me, non de re ipsa interrogasti. A. Aliud ergo sonus est, aliud res quam significat sonus: tu autem utrumque idem esse dixeras. E. Age, jam concedo aliud esse significantem sonum, aliud rem quæ significatur. A. Dic ergo, utrum posses gnarus latinæ linguæ nominare in loquendo solcm, si non intellectus solis præcederet sonum. E. Nullo modo possem. A. Quid? antequam ipsum nomen de ore procedat, si volens id enuntiare aliquandiu te in silentio teneas; nonne in tua cogitatione manet, quod expressa voce alius auditurus cst? E. Manifestum est. A. Quid? cum ipse sol tantæ sit magnitudinis, num illa notio ejus, quam cogitatione ante vocem tenes, aut longa, aut lata. aut quid ejusmodi videa Iotest? E. Nullo modo.","prev":{"citation":"De Quantitate Animae 64","label":"CAPUT XXXI.- Vermiculi secti partes moventur. An argumentum sit animæ per totum…","url":"https://interlinea.aeterna-institute.org/library/latin/augustine/de-quantitate-animae/64","api":"https://interlinea.aeterna-institute.org/api/v1/library/latin/augustine/de-quantitate-animae/64"},"next":{"citation":"De Quantitate Animae 66","label":"CAPUT XXXII.—Dissecto corpore anima non secaMur. Frusia dissecti corporis viver…","url":"https://interlinea.aeterna-institute.org/library/latin/augustine/de-quantitate-animae/66","api":"https://interlinea.aeterna-institute.org/api/v1/library/latin/augustine/de-quantitate-animae/66"},"credit":{"text":"Augustine, De Quantitate Animae, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/stoa0040/stoa059/stoa0040.stoa059.opp-lat1.xml","quality":"ocr"}}