{"kind":"section","lang":"la","language":"Latin","title":"De Quantitate Animae 72","citation":"Augustine, De Quantitate Animae 72","ref":"72","level":null,"urn":null,"url":"https://interlinea.aeterna-institute.org/library/latin/augustine/de-quantitate-animae/72","api":"https://interlinea.aeterna-institute.org/api/v1/library/latin/augustine/de-quantitate-animae/72","markdown":"https://interlinea.aeterna-institute.org/library/latin/augustine/de-quantitate-animae/72.md","author":{"name":"Augustine","url":"https://interlinea.aeterna-institute.org/library/latin/augustine"},"work":{"title":"De Quantitate Animae","url":"https://interlinea.aeterna-institute.org/library/latin/augustine/de-quantitate-animae","urn":"urn:cts:latinLit:stoa0040.stoa059"},"verse":false,"words":140,"text":"Ergo attollere in tertium gradum, qui jam est homini proprius, et cogita memoriam non consucludine inolitarum, sed animadversione atque signis commendatarum ac retentarum rerum innumerabilium, tot artes opificum, agrorum cultus, exstructiones urbium, variorum ædificiorum ac moliminum multimoda miracula; inventiones tot signorum in litteris, in verbis, in gestu, in cujuscemodi sono, in picturis atque figmentis; tot gentium linguas, tot instituta1, tot nova, tot instaurata; tantum librorum nomerom, et cujuscemodi monumentorum ad custodiendam memoriam, tantamque curam posteritatis; offciorum, potestatum, bonorum dignitatumque ordines, sive in familiis, sive domi militiæque in republica, sive in profanis, sive in sacris apparatibus; vim ratiocinandi et excogitandi, fluvios eloquentiae, carminum varietates, ludendi ac jocandi causa milleformes simulationes, modulandi peritiam, dimetiendi subtilitatem, numerandi disciplinam, praeteritorum ac futurorum ex praesentibusconjecturam. Magna hæc et omnino humana. Sed est adhuc ista partim doetis atque indoctis, partim bonis ac malis animis copia communis.","prev":{"citation":"De Quantitate Animae 67-2","label":"Sccuudus gradus animæ","url":"https://interlinea.aeterna-institute.org/library/latin/augustine/de-quantitate-animae/67-2","api":"https://interlinea.aeterna-institute.org/api/v1/library/latin/augustine/de-quantitate-animae/67-2"},"next":{"citation":"De Quantitate Animae 73","label":"Quartus gradus animae","url":"https://interlinea.aeterna-institute.org/library/latin/augustine/de-quantitate-animae/73","api":"https://interlinea.aeterna-institute.org/api/v1/library/latin/augustine/de-quantitate-animae/73"},"credit":{"text":"Augustine, De Quantitate Animae, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/stoa0040/stoa059/stoa0040.stoa059.opp-lat1.xml","quality":"ocr"}}