{"kind":"section","lang":"la","language":"Latin","title":"Manuale [Incertus] 27","citation":"Augustine, Manuale [Incertus] 27","ref":"27","level":null,"urn":null,"url":"https://interlinea.aeterna-institute.org/library/latin/augustine/manuale-incertus/27","api":"https://interlinea.aeterna-institute.org/api/v1/library/latin/augustine/manuale-incertus/27","markdown":"https://interlinea.aeterna-institute.org/library/latin/augustine/manuale-incertus/27.md","author":{"name":"Augustine","url":"https://interlinea.aeterna-institute.org/library/latin/augustine"},"work":{"title":"Manuale [Incertus]","url":"https://interlinea.aeterna-institute.org/library/latin/augustine/manuale-incertus","urn":"urn:cts:latinLit:stoa0040.stoa070c"},"verse":false,"words":303,"text":"CAPUT XXIV. Excitatio animœad amorem Christi. anima mea, insignita Dei imagine, redempta Christi sanguine, desponsata fide, dotata spiritu, ornata virtutibus, deputata cum Angelis, dilige illum a quo tantum dilecta es, intende illi qui intendit tibi, quære quærentem te, ama amatorem tuum a quo tantum amaris, cujus amore præventa es, qui est causa amoris tui. Ipse est meritum, ipse præmium, ipse fi uctus, ipse usus, ipse finis. (d) Esto sollicita cum sollicito, cum vacante vacans, cum mundo munda, cum sancto sancta. Qualem te paraveris Deo, talis oportet ut apparcat tibi. Deus suavis ei mitis, et multæ misericordiae (Ps. LXXXV, 5); suaves, miles, dulces, humiles et misericordes requirit. Ama illum qui eduxit te de lacu miseriæ, et de luto fæcis. Elige illum amicum tnum præ omnibus amicis tuis: qui, cum omnia subtracta fucrint, solus tibi fidem servabit. In die sepnlturse tuæ cum omnes amici lui recedent a te, ille te non derelinquet: sed tuebitur a rugientibus præparatis ad escam, et conducet te per ignotam regioneln, alquc perducet ad plateas supernæ Sion, et ibi collocabit te cum Angelis ante faciem majestatis suæ, ubi audies illud angelicum melos, Sanctus, sanctus, sanctus, Dominus Deus sabaoth. Ibi est canticum lætitiæ, vox exsultationis et salutis, gratiarum actio, et vox laudis, atque alleluia in perpetuum. Ibi est cumulus felicitatis, supereminens gloria, superabundans laetitia et omnia bona. anima mea suspira ardenter, desi. dera vehementer, ut possis pervenire in illam supernam civitatem, de qua tam gloriosa dicta sunt, in qua sicut lætantium omnium habitatio est (Psal. LXXXVI. 3 et 7). Amore potes ascendere, amanti nihil est difficile, nihil impossibile. Anima quæ amat, ascendit frequenter, et currit familiariier per plateas cœlestis Jerusalem, visitando Patriarchas et Prophetas, salulando Apostolos, admirando exercitus martyrum et confessorum, chorosque virginum speculando. Coelum, terra, et omnia quas in eis sunt, non cessant mihi dicerc, ut amem Dominum Deum meum (a).","prev":{"citation":"Manuale [Incertus] 26","label":"26","url":"https://interlinea.aeterna-institute.org/library/latin/augustine/manuale-incertus/26","api":"https://interlinea.aeterna-institute.org/api/v1/library/latin/augustine/manuale-incertus/26"},"next":{"citation":"Manuale [Incertus] 28","label":"28","url":"https://interlinea.aeterna-institute.org/library/latin/augustine/manuale-incertus/28","api":"https://interlinea.aeterna-institute.org/api/v1/library/latin/augustine/manuale-incertus/28"},"credit":{"text":"Augustine, Manuale [Incertus], ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/stoa0040/stoa070c/stoa0040.stoa070c.opp-lat1.xml","quality":"ocr"}}