{"kind":"section","lang":"la","language":"Latin","title":"Manuale [Incertus] 39","citation":"Augustine, Manuale [Incertus] 39","ref":"39","level":null,"urn":null,"url":"https://interlinea.aeterna-institute.org/library/latin/augustine/manuale-incertus/39","api":"https://interlinea.aeterna-institute.org/api/v1/library/latin/augustine/manuale-incertus/39","markdown":"https://interlinea.aeterna-institute.org/library/latin/augustine/manuale-incertus/39.md","author":{"name":"Augustine","url":"https://interlinea.aeterna-institute.org/library/latin/augustine"},"work":{"title":"Manuale [Incertus]","url":"https://interlinea.aeterna-institute.org/library/latin/augustine/manuale-incertus","urn":"urn:cts:latinLit:stoa0040.stoa070c"},"verse":false,"words":185,"text":"CAPUT, XXVI. An plene hic excogitetur. Hic semper in nititia, amore et gaudio de Deo crescere. Deus meus et Dominus meus, spes mea et gaudium cordis mei, dic animæ meæ, si hoc est gaudium de quo nobis per Filium tuum dicis, Petite, et accipietis; ut gaudium vestrum sit plenum, et plus quam plenum. Pleno quippe corde plena mente, plena anima, pleno toto homine gaudio illo, adhuc supra modum superera gaudium. Non ergo totum illud gaudium intrabit in gaudentes, sed toti gaudentes intrabunt in gaudium illud. Dic, Domine, dic servo tuo intus in corde meo, si hoc est gaudium in quod intrabunt servi tui, qui intrabunt in gaudium Domini sui. Sed certe gaudium illud quo gaudebunt electi tui, nec oculus vidit, nec auris audivit, nec in cor hominis ascendit (Isai. LXIV, 4; 1 Cor. II, 9). Nondum ergo congitavi aut dixi, Domine, quantum gandebunt electi tui. Utique tantum gaudebunt, quantum amabunt; tantum amabunt, quantum cognoscent. Et quantum te, Domine, cognoscent, quantum te amabunt? Certe nec oculus vidit, nec auris audivit, nec in cor hominis ascendit in hac vita, quantum te cognoscent et amabunt in illa vita.","prev":{"citation":"Manuale [Incertus] 38","label":"38","url":"https://interlinea.aeterna-institute.org/library/latin/augustine/manuale-incertus/38","api":"https://interlinea.aeterna-institute.org/api/v1/library/latin/augustine/manuale-incertus/38"},"next":{"citation":"Manuale [Incertus] 40","label":"40","url":"https://interlinea.aeterna-institute.org/library/latin/augustine/manuale-incertus/40","api":"https://interlinea.aeterna-institute.org/api/v1/library/latin/augustine/manuale-incertus/40"},"credit":{"text":"Augustine, Manuale [Incertus], ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/stoa0040/stoa070c/stoa0040.stoa070c.opp-lat1.xml","quality":"ocr"}}