{"kind":"section","lang":"la","language":"Latin","title":"Res Gestae I 16","citation":"Augustus, Res Gestae I 16","ref":"16","level":null,"urn":null,"url":"https://interlinea.aeterna-institute.org/library/latin/augustus/res-gestae-i-2/16","api":"https://interlinea.aeterna-institute.org/api/v1/library/latin/augustus/res-gestae-i-2/16","markdown":"https://interlinea.aeterna-institute.org/library/latin/augustus/res-gestae-i-2/16.md","author":{"name":"Augustus","url":"https://interlinea.aeterna-institute.org/library/latin/augustus"},"work":{"title":"Res Gestae I","url":"https://interlinea.aeterna-institute.org/library/latin/augustus/res-gestae-i-2","urn":null},"verse":false,"words":118,"text":"Pecuniam pro agris quos in consulatu meo quarto et postea consulibus M. Crasso et Cn. Lentulo Augure adsignavi militibus solvi municipis; ea summa sestertium circiter sexsiens milliens fuit quam pro Italicis praedis numeravi, et circiter bis milliens et sescentiens quod pro agris provincialibus solvi. Id primus et solus omnium qui deduxerunt colonias militum in Italia aut in provincis ad memoriam aetatis meae feci. Et postea, Ti. Nerone et Cn. Pisone consulibus itemque C. Antistio et D. Laelio cos. et C. Calvisio et L. Pasieno consulibus et L. Lentulo et M. Messalla consulibus et L. Camnio et Q. Fabricio cos., militibus quos emeriteis stipendis in sua municipia deduxi praemia numerato persolvi, quam in rem sestertium quater milliens circiter impendi.","prev":{"citation":"Res Gestae I 15","label":"15","url":"https://interlinea.aeterna-institute.org/library/latin/augustus/res-gestae-i-2/15","api":"https://interlinea.aeterna-institute.org/api/v1/library/latin/augustus/res-gestae-i-2/15"},"next":{"citation":"Res Gestae I 17-18","label":"17 to 18","url":"https://interlinea.aeterna-institute.org/library/latin/augustus/res-gestae-i-2/17","api":"https://interlinea.aeterna-institute.org/api/v1/library/latin/augustus/res-gestae-i-2/17"},"credit":{"text":"Augustus, Res Gestae I. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/resgestae.html","quality":"proofread"}}