{"kind":"section","lang":"la","language":"Latin","title":"Opuscula 14","citation":"Ausonius, Opuscula 14","ref":"14","level":null,"urn":null,"url":"https://interlinea.aeterna-institute.org/library/latin/ausonius/opuscula/14","api":"https://interlinea.aeterna-institute.org/api/v1/library/latin/ausonius/opuscula/14","markdown":"https://interlinea.aeterna-institute.org/library/latin/ausonius/opuscula/14.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":171,"text":"Carmina prima tibi cum iam puerilibus annis\ntraderet adsidui permulcens cura magistri\ninbueretque novas aures sensusque sequaces,\nut respondendas docili quoque murmure voces\nemendata rudi proferret lingua palato,\naddidimus nil triste senes, ne cura monendi\nlaederet aut dulces gustus vitiaret amaris.\nat modo, cum motu vigeas iam puberis aevi,\nfortiaque a teneris possis secernere et ipse\nadmonitor morumque tibi fandique videri,\naccipe non praecepta equidem, set vota precantis\net gratantis avi festum ad sollemne nepotis.\n.......................\nadnuit, ut reducem fatorum ab fine senectam\nsospes agam festumque diem dubitataque cernam\nsidera, deposito prope conclamatus in aevo.\nhoc, mellite nepos, duplicato faenore partum\nnatali accedente tuo, munusque salutis\nplenius hoc nostrae, quod iam tibi puberis aevi\ncrescit honos iuvenemque senex iam cerno nepotem.\nsexta tibi haec primo remeat trieteris ab anno,\nSeptembres notis referens natalibus idus.\nidus alma dies, geniis quoque culta deorum.\nSextiles Hecate Latonia vindicat idus,\nMercurius Maias, superorum adiunctus honori,\nOctobres olim genitus Maro dedicat idus:\nidus saepe colas bis senis mensibus omnes,\nAusonii quicumque mei celebraveris idus.\nvale nepos dulcissime.","prev":{"citation":"Opuscula 13.1.81-115","label":"XIII. Liber Protrepticus ad Nepotem., 1. Ausonius Hesperio Pilio., lines 13.1.81-13.1.115","url":"https://interlinea.aeterna-institute.org/library/latin/ausonius/opuscula/13.1.81","api":"https://interlinea.aeterna-institute.org/api/v1/library/latin/ausonius/opuscula/13.1.81"},"next":{"citation":"Opuscula 15.1","label":"XV. Parentalia., 1. Praefatio in Prosa.","url":"https://interlinea.aeterna-institute.org/library/latin/ausonius/opuscula/15.1","api":"https://interlinea.aeterna-institute.org/api/v1/library/latin/ausonius/opuscula/15.1"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}