{"kind":"section","lang":"la","language":"Latin","title":"Opuscula 2","citation":"Ausonius, Opuscula 2","ref":"2","level":null,"urn":null,"url":"https://interlinea.aeterna-institute.org/library/latin/ausonius/opuscula/2","api":"https://interlinea.aeterna-institute.org/api/v1/library/latin/ausonius/opuscula/2","markdown":"https://interlinea.aeterna-institute.org/library/latin/ausonius/opuscula/2.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":141,"text":"Agricolam si flava Ceres dare semina terrae.\nGradivus iubeat si capere arma ducem.\nsolvere de portu classem Neptunus inermem:\nfidere tam fas est quam dubitare nefas,\ninsanum quamvis hiemet mare crudaque tellus\nseminibus bello nec satis apta manus.\nnil dubites auctore bono. mortalia quaerunt\nconsilium: certus iussa capesse dei.\nscribere me Augustus iubet et mea carmina poscit,\npaene rogans: blando vis latet imperio.\nnon habeo ingenium: Caesar sed iussit: habebo.\ncur me posse negem, posse quod ille putat?\ninvalidas vires ipse excitat et iuvat idem,\nqui iubet: obsequium sufficit esse meum.\nnon tutum renuisse deo: laudata pudoris\nsaepe mora est, quotiens contra parem dubites.\nquin etiam non iussa parant erumpere dudum\ncarmina. quis nolit Caesaris esse liber,\nne ferat indignum vatem centumque lituras,\nmutandas semper deteriore nota?\ntu modo te iussisse, pater Romane, memento\ninque meis culpis da tibi tu veniam.","prev":{"citation":"Opuscula 1","label":"I. Epistula Theodosi Augusti.","url":"https://interlinea.aeterna-institute.org/library/latin/ausonius/opuscula/1","api":"https://interlinea.aeterna-institute.org/api/v1/library/latin/ausonius/opuscula/1"},"next":{"citation":"Opuscula 3","label":"III. Ausonius Lectori sal.","url":"https://interlinea.aeterna-institute.org/library/latin/ausonius/opuscula/3","api":"https://interlinea.aeterna-institute.org/api/v1/library/latin/ausonius/opuscula/3"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}