{"kind":"section","lang":"la","language":"Latin","title":"Opuscula 20.2","citation":"Ausonius, Opuscula 20.2","ref":"20.2","level":null,"urn":null,"url":"https://interlinea.aeterna-institute.org/library/latin/ausonius/opuscula/20.2","api":"https://interlinea.aeterna-institute.org/api/v1/library/latin/ausonius/opuscula/20.2","markdown":"https://interlinea.aeterna-institute.org/library/latin/ausonius/opuscula/20.2.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":129,"text":"Delphis Solonem scripse fama est Atticum\nΓνῶϑι σεαυτóν, quod Latinum est: Nosce te.\nmulti hoc Laconis esse Chilonis putant.\nSpartane Chilon, sit tuum necne ambigunt,\nquod introfertur: Ὅρα τέλο μαϰροὺ βíου.\nfinem intueri longae vitae qui iubes.\nmulti hoc Solonem dixe Croeso existimant.\net Pittacum dixisse fama est Lesbium:\nΓíγνωσϰε ϰαιρóν. tempus ut noris, iubet.\nset ϰαιρὸς iste tempestivum tempus est.\nBias Prieneus dixit: Οἱ πλεῖστοι ϰαϰοí,\nquod est Latinum: Plures hominum sunt mali.\nset inperitos scito, quos dixit malos.\nΜελέτη τὸ πὰν est Periandri Corinthii,\nmeditationi inesse tot um qui putat.\nἌριστον μέτρον esse dixit Lindius\nCleobulus, hoc est: Optimus cunctis modus.\nThaies (set) Ἐγγύα · παρὰ δ' ἄτα protulit,\nspondere qui nos, noxa quia praesto est, vetat.\nhoc nos monere faeneratis non placet.\ndixi: recedam: legifer venit Solon.","prev":{"citation":"Opuscula 20.1","label":"XX. Ludus Septem Sapientum. Ausonius Consul Drepanio Procons. sal., Prologus.","url":"https://interlinea.aeterna-institute.org/library/latin/ausonius/opuscula/20.1","api":"https://interlinea.aeterna-institute.org/api/v1/library/latin/ausonius/opuscula/20.1"},"next":{"citation":"Opuscula 20.3","label":"XX. Ludus Septem Sapientum. Ausonius Consul Drepanio Procons. sal., Solon.","url":"https://interlinea.aeterna-institute.org/library/latin/ausonius/opuscula/20.3","api":"https://interlinea.aeterna-institute.org/api/v1/library/latin/ausonius/opuscula/20.3"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}