{"kind":"section","lang":"la","language":"Latin","title":"Opuscula 20.4","citation":"Ausonius, Opuscula 20.4","ref":"20.4","level":null,"urn":null,"url":"https://interlinea.aeterna-institute.org/library/latin/ausonius/opuscula/20.4","api":"https://interlinea.aeterna-institute.org/api/v1/library/latin/ausonius/opuscula/20.4","markdown":"https://interlinea.aeterna-institute.org/library/latin/ausonius/opuscula/20.4.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":91,"text":"Lumbi sedendo, oculi spectando dolent,\nmanendo Solonem, quoad sese recipiat.\nhui quam pauca! diu locuntur Attici.\nunam trecentis versibus sententiam\ntandem peregit meque respectans abit.\nSpartanus ego sum Chilon, qui nunc prodeo.\nbrevitate nota, qua Lacones utimur,\ncommendo nostrum Γνῶϑι σεαυτóν, Nosce te,\nquod in columna iam tenetur Delphica.\nlabor molestus iste fructi est optimi,\nquid ferre possis, quidve non, dinoscere:\nnoctu diuque, quae geras, quae gesseris,\nad usque puncti tenuis instar quaerere.\nofficia cuncta, pudor, honor, constantia\nin hoc et illa spreta nobis gloria.\ndixi. valete memores: plausum non moror.","prev":{"citation":"Opuscula 20.3","label":"XX. Ludus Septem Sapientum. Ausonius Consul Drepanio Procons. sal., Solon.","url":"https://interlinea.aeterna-institute.org/library/latin/ausonius/opuscula/20.3","api":"https://interlinea.aeterna-institute.org/api/v1/library/latin/ausonius/opuscula/20.3"},"next":{"citation":"Opuscula 20.5","label":"XX. Ludus Septem Sapientum. Ausonius Consul Drepanio Procons. sal., Cleobulus.","url":"https://interlinea.aeterna-institute.org/library/latin/ausonius/opuscula/20.5","api":"https://interlinea.aeterna-institute.org/api/v1/library/latin/ausonius/opuscula/20.5"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}