{"kind":"section","lang":"la","language":"Latin","title":"Opuscula 20.7","citation":"Ausonius, Opuscula 20.7","ref":"20.7","level":null,"urn":null,"url":"https://interlinea.aeterna-institute.org/library/latin/ausonius/opuscula/20.7","api":"https://interlinea.aeterna-institute.org/api/v1/library/latin/ausonius/opuscula/20.7","markdown":"https://interlinea.aeterna-institute.org/library/latin/ausonius/opuscula/20.7.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":82,"text":"Bias Prieneus 〈sum〉: dixi Οἱ πλεῖστοι ϰαϰοí:\nLatine dictum suspicor Plures mali.\ndixisse nollem: veritas odium parit.\nmalos sed inperitos dixi et barbaros,\nqui ius et aequum 〈et〉 sacros mores neclegunt.\nnam populus iste, quo theatrum cingitur,\ntotus bonorum est. hostium tellus habet,\ndixisse quos me creditis, plures malos.\nsed nemo quisquam tam malus iudex fuat,\nquin iam bonorum partibus se copulet.\nsive ille vere bonus est seu dici studet,\niam fugit illud nomen invisum mali.\nabeo. valete et plaudite, plures boni.","prev":{"citation":"Opuscula 20.6","label":"XX. Ludus Septem Sapientum. Ausonius Consul Drepanio Procons. sal., Thales.","url":"https://interlinea.aeterna-institute.org/library/latin/ausonius/opuscula/20.6","api":"https://interlinea.aeterna-institute.org/api/v1/library/latin/ausonius/opuscula/20.6"},"next":{"citation":"Opuscula 20.8","label":"XX. Ludus Septem Sapientum. Ausonius Consul Drepanio Procons. sal., Pittacus.","url":"https://interlinea.aeterna-institute.org/library/latin/ausonius/opuscula/20.8","api":"https://interlinea.aeterna-institute.org/api/v1/library/latin/ausonius/opuscula/20.8"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}