{"kind":"section","lang":"la","language":"Latin","title":"Opuscula 21.2","citation":"Ausonius, Opuscula 21.2","ref":"21.2","level":null,"urn":null,"url":"https://interlinea.aeterna-institute.org/library/latin/ausonius/opuscula/21.2","api":"https://interlinea.aeterna-institute.org/api/v1/library/latin/ausonius/opuscula/21.2","markdown":"https://interlinea.aeterna-institute.org/library/latin/ausonius/opuscula/21.2.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":81,"text":"Primus regalem patefecit Julius aulam\nCaesar et Augusto nomen transcripsit et arcem.\nprivignus post hunc regnat Nero Claudius, a quo\ncaesar, cognomen Caligae cui castra dederunt.\nClaudius hinc potitur regno. post quem Nero saevus\nultimus Aeneadum. post hunc tres, nec tribus annis:\nGalba senex, frustra socio confisus inerti,\nmollis Otho, infami per luxum degener aevo,\nnec regno dignus nec morte Vitellius ut vir.\nhis decimus fatoque accitus Vespasianus\net Titus imperii felix brevitate. secutus\nfrater, quem calvum dixit sua Roma Neronem.","prev":{"citation":"Opuscula 21.1","label":"XXI. Caesares., 1. Ausonius Hesperio Filio s. D.","url":"https://interlinea.aeterna-institute.org/library/latin/ausonius/opuscula/21.1","api":"https://interlinea.aeterna-institute.org/api/v1/library/latin/ausonius/opuscula/21.1"},"next":{"citation":"Opuscula 21.3","label":"XXI. Caesares., De Abtate Imperii Eorum Monosticha.","url":"https://interlinea.aeterna-institute.org/library/latin/ausonius/opuscula/21.3","api":"https://interlinea.aeterna-institute.org/api/v1/library/latin/ausonius/opuscula/21.3"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}