{"kind":"section","lang":"la","language":"Latin","title":"Opuscula 25.3","citation":"Ausonius, Opuscula 25.3","ref":"25.3","level":null,"urn":null,"url":"https://interlinea.aeterna-institute.org/library/latin/ausonius/opuscula/25.3","api":"https://interlinea.aeterna-institute.org/api/v1/library/latin/ausonius/opuscula/25.3","markdown":"https://interlinea.aeterna-institute.org/library/latin/ausonius/opuscula/25.3.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":128,"text":"Carminis incompti tenuem lecture libellum\npone supercilium.\nseria contractis expende poemata rugis:\nnos Thymelen sequimur.\nBissula in hoc schedio cantabitur: utque Cratinus\nadmoneo ante bibas.\nieiunis nil scribo. meum post pocula si quis\nlegerit, hic sapiet.\nsed magis hic sapiet, si dormiet: et putet ista\nsomnia missa sibi.\n4. VBI NATA SIT BISSVLA ET QVO MODO IN MANVS DOMINI VENERIT.\nBissula, trans gelidum stirpe et lare prosata Rhenum,\nconscia nascentis Bissula Danuvii,\ncapta manu, sed missa manu dominatur in eius\ndeliciis, cuius bellica praeda fuit.\nmatre carens, nutricis egens, nescit (tamen) erae\nimperium..............\nfortunae ac patriae quae nulla obprobria sensit,\nilico inexperto libera servitio,\nsic Latiis mutata bonis, Germana maneret\nut facies, oculos caerula, flava comas.\nambiguam modo lingua facit, modo forma puellam:\nhaec Rheno genitam praedicat, haec Latio.","prev":{"citation":"Opuscula 25.2","label":"XXV. Bissula., 2. Praefatio.","url":"https://interlinea.aeterna-institute.org/library/latin/ausonius/opuscula/25.2","api":"https://interlinea.aeterna-institute.org/api/v1/library/latin/ausonius/opuscula/25.2"},"next":{"citation":"Opuscula 25.4","label":"XXV. Bissula., 5. de Eadem.","url":"https://interlinea.aeterna-institute.org/library/latin/ausonius/opuscula/25.4","api":"https://interlinea.aeterna-institute.org/api/v1/library/latin/ausonius/opuscula/25.4"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}