{"kind":"section","lang":"la","language":"Latin","title":"Opuscula 27.3","citation":"Ausonius, Opuscula 27.3","ref":"27.3","level":null,"urn":null,"url":"https://interlinea.aeterna-institute.org/library/latin/ausonius/opuscula/27.3","api":"https://interlinea.aeterna-institute.org/api/v1/library/latin/ausonius/opuscula/27.3","markdown":"https://interlinea.aeterna-institute.org/library/latin/ausonius/opuscula/27.3.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":131,"text":"Res hominum fragiles alit et regit et perimit fors,\nfors dubia aeternumque labans, quam blanda fovet spes,\nspes nullo finita aevo, cui terminus est mors,\nmors avida, inferna mergit caligine quam nox,\nnox obitura vicem, remeaverit aurea cum lux,\nlux dono concessa deum, cui praevius est Sol,\nSol, cui nec furto in Veneris latet armipotens Mars,\nMars nullo de patre satus, quem Thraessa colit gens,\ngens infrena virum, quibus in scelus omne ruit fas,\nfas hominem mactare sacris: ferus iste loci mos,\nmos ferus audacis populi, quem nulla tenet lex,\nlex, naturali quam condidit imperio ius,\nius genitum pietate hominum, ius certa dei mens,\nmens, quae caelesti sensu rigat emeritum cor,\ncor vegetum mundi instar habens, animae vigor ac vis,\nvis tamen hic nulla est: tantum est iocus ac nihili res.","prev":{"citation":"Opuscula 27.2","label":"XXVII. Technopaegnion., 2. 〈Ausonius Paulino〉.","url":"https://interlinea.aeterna-institute.org/library/latin/ausonius/opuscula/27.2","api":"https://interlinea.aeterna-institute.org/api/v1/library/latin/ausonius/opuscula/27.2"},"next":{"citation":"Opuscula 27.5","label":"XXVII. Technopaegnion., Praefatio.","url":"https://interlinea.aeterna-institute.org/library/latin/ausonius/opuscula/27.5","api":"https://interlinea.aeterna-institute.org/api/v1/library/latin/ausonius/opuscula/27.5"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}