{"kind":"section","lang":"la","language":"Latin","title":"Opuscula 28.2","citation":"Ausonius, Opuscula 28.2","ref":"28.2","level":null,"urn":null,"url":"https://interlinea.aeterna-institute.org/library/latin/ausonius/opuscula/28.2","api":"https://interlinea.aeterna-institute.org/api/v1/library/latin/ausonius/opuscula/28.2","markdown":"https://interlinea.aeterna-institute.org/library/latin/ausonius/opuscula/28.2.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":73,"text":"Accipite haec animis laetasque advertite mentes,\nambo animis, ambo insignes praestantibus armis,\nambo florentes, | genus insuperabile bello:\ntuque prior | (nam te maioribus ire per altum\nauspiciis manifesta fides), | quo iustior alter\nnec pietate fuit nec bello maior et armis,\ntuque puerque tuus, | magnae spes altera Romae,\nflos veterum virtusque virum, | mea maxima cura,\nnomine avum referens, animo manibusque parentem.\nnon iniussa cano. | sua cuique exorsa laborem\nfortunamque ferent: | mihi iussa capessere fas est.","prev":{"citation":"Opuscula 28.1.1","label":"XXVIII. Cento Nuptialis., 1. Ausonius Paulo sal.","url":"https://interlinea.aeterna-institute.org/library/latin/ausonius/opuscula/28.1.1","api":"https://interlinea.aeterna-institute.org/api/v1/library/latin/ausonius/opuscula/28.1.1"},"next":{"citation":"Opuscula 28.3","label":"XXVIII. Cento Nuptialis., Cena Nuptialis.","url":"https://interlinea.aeterna-institute.org/library/latin/ausonius/opuscula/28.3","api":"https://interlinea.aeterna-institute.org/api/v1/library/latin/ausonius/opuscula/28.3"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}