{"kind":"section","lang":"la","language":"Latin","title":"Opuscula 28.8","citation":"Ausonius, Opuscula 28.8","ref":"28.8","level":null,"urn":null,"url":"https://interlinea.aeterna-institute.org/library/latin/ausonius/opuscula/28.8","api":"https://interlinea.aeterna-institute.org/api/v1/library/latin/ausonius/opuscula/28.8","markdown":"https://interlinea.aeterna-institute.org/library/latin/ausonius/opuscula/28.8.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":133,"text":"Postquam est in thalami pendentia pumice tecta\nperventum, | licito tandem sermone fruuntur.\ncongressi iungunt dextras | stratisque reponunt.\nat Cytherea novas artes | et pronuba Iuno\nsollicitat suadetque ignota lacessere bella.\nille ubi complexu | molli fovet, inde repente\naccepit solitam flammam lectumque iugalem:\n..................\n'o virgo, nova mi facies, | gratissima coniunx,\nvenisti tandem, mea sola et sera voluptas.\no dulcis coniunx, non haec sine numine divum\nproveniunt. | placitone etiam pugnabis amori?'\ntalia dicentem iamdudum aversa tuetur\ncunctaturque metu telumque instare tremiscit\nspemque metumque inter | funditque has ore loquellas:\n'per te, per, qui te talem genuere, parentes,\no formose puer, | noctem non amplius unam\nhanc tu, oro, solare inopem et | miserere precantis.\nsuccidimus: non lingua valet, non corpore notae\nsufficiunt vires, nec vox aut verba secuntur'\nille autem: 'causas nequiquam nectis inanes',\npraecipitatque moras omnes | solvitque pudorem.","prev":{"citation":"Opuscula 28.7","label":"XXVIII. Cento Nuptialis., Epithalamium Utrique.","url":"https://interlinea.aeterna-institute.org/library/latin/ausonius/opuscula/28.7","api":"https://interlinea.aeterna-institute.org/api/v1/library/latin/ausonius/opuscula/28.7"},"next":{"citation":"Opuscula 28.9","label":"XXVIII. Cento Nuptialis., 3. Parecbasis.","url":"https://interlinea.aeterna-institute.org/library/latin/ausonius/opuscula/28.9","api":"https://interlinea.aeterna-institute.org/api/v1/library/latin/ausonius/opuscula/28.9"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}