{"kind":"section","lang":"la","language":"Latin","title":"Opuscula 4","citation":"Ausonius, Opuscula 4","ref":"4","level":null,"urn":null,"url":"https://interlinea.aeterna-institute.org/library/latin/ausonius/opuscula/4","api":"https://interlinea.aeterna-institute.org/api/v1/library/latin/ausonius/opuscula/4","markdown":"https://interlinea.aeterna-institute.org/library/latin/ausonius/opuscula/4.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":101,"text":"1.\nMane iam darum reserat fenestras,\niam strepit nidis vigilax hirundo:\ntu velut primam mediamque noctem,\nParmeno, dormis.\ndormiunt glires hiemem perennem,\nsed cibo parcunt: tibi causa somni,\nmulta quod potas nimiaque caedis\nmole saginam.\ninde nec flexas sonus intrat aures\net locum mentis sopor altus urget\nnec coruscantis oculos̀ lacessunt\nfulgura lucis.\nannuam quondam iuveni quietem,\nnoctis et lucis vicibus manentem,\nfabulae fingunt, cui Lima somnos\ncontinuarit.\nsurge, nugator lacerande virgis,\nsurge, ne longus tibi somnus, unde\nnon times, detur: rape membra molli,\nParmeno, lecto.\nfors et haec somnum tibi cantilena\nSapphico suadet modulata versa.\nLesbiae depelle modum quietis,\nacer iambe.","prev":{"citation":"Opuscula 3.1","label":"III. Ausonius Lectori sal., Ausonius Syagrio.","url":"https://interlinea.aeterna-institute.org/library/latin/ausonius/opuscula/3.1","api":"https://interlinea.aeterna-institute.org/api/v1/library/latin/ausonius/opuscula/3.1"},"next":{"citation":"Opuscula 4.1","label":"IIII. Ephemeris ID est Totius Diei Negotium., 2. Parecbasis.","url":"https://interlinea.aeterna-institute.org/library/latin/ausonius/opuscula/4.1","api":"https://interlinea.aeterna-institute.org/api/v1/library/latin/ausonius/opuscula/4.1"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}