{"kind":"section","lang":"la","language":"Latin","title":"Opuscula 5.1","citation":"Ausonius, Opuscula 5.1","ref":"5.1","level":null,"urn":null,"url":"https://interlinea.aeterna-institute.org/library/latin/ausonius/opuscula/5.1","api":"https://interlinea.aeterna-institute.org/api/v1/library/latin/ausonius/opuscula/5.1","markdown":"https://interlinea.aeterna-institute.org/library/latin/ausonius/opuscula/5.1.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":68,"text":"Nomina, quae septem vertentibus apta diebus\nannus habet, totidem errantes fecere planetae,\nquos indefessa volvens vertigine mundus\nsignorum obliqua iubet in statione vagari.\nprimum supremumque diem radiatus habet Sol.\nproxima fraternae succedit Lima coronae.\ntertius adsequitur Titania lumina Mavors.\nMercurius quarti sibi vindicat astra diei.\ninlustrant quintam Iovis aurea sidera zonam.\nsexta salutigerum sequitur Venus alma parentem.\ncuncta supergrediens Saturni septima lux est.\noctavum instaurat revolubilis orbita Solem.","prev":{"citation":"Opuscula 4.6","label":"IIII. Ephemeris ID est Totius Diei Negotium., Section 6","url":"https://interlinea.aeterna-institute.org/library/latin/ausonius/opuscula/4.6","api":"https://interlinea.aeterna-institute.org/api/v1/library/latin/ausonius/opuscula/4.6"},"next":{"citation":"Opuscula 5.2","label":"V. Eglogarum ‹Liber›., 2. Monosticha de Mensibus.","url":"https://interlinea.aeterna-institute.org/library/latin/ausonius/opuscula/5.2","api":"https://interlinea.aeterna-institute.org/api/v1/library/latin/ausonius/opuscula/5.2"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}