{"kind":"section","lang":"la","language":"Latin","title":"Opuscula 5.4","citation":"Ausonius, Opuscula 5.4","ref":"5.4","level":null,"urn":null,"url":"https://interlinea.aeterna-institute.org/library/latin/ausonius/opuscula/5.4","api":"https://interlinea.aeterna-institute.org/api/v1/library/latin/ausonius/opuscula/5.4","markdown":"https://interlinea.aeterna-institute.org/library/latin/ausonius/opuscula/5.4.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":99,"text":"Bis senas anno reparat Lucina kalendas,\net totidem medias dat currere Iuppiter idus,\nnonarumque diem faciunt infra octo secundi.\nhaec sunt Romano tantum tria nomina mensi,\ncetera per numeros sunt cognomenta dierum.\n5. QVOTENI DIES SINT MENSVVM SINGVLORVM.\nInplent tricenas per singula menstrua luces\nIunius Aprilisque et cum Septembre November,\nunum ter denis cumulatius adde diebus\nper septem menses, Iani Martisque kalendis\net quas Maius agit, quas Iulius Augustusque\net quas October positusque in fine December.\nunus erit tantum duodetriginta dierum,\nquem Numa praeposito voluit succedere Iano.\nsic ter centenis decies accedere senos\nquadrantemque et quinque dies sibi conputat annus.","prev":{"citation":"Opuscula 5.3","label":"V. Eglogarum ‹Liber›., 3. Item Disticha.","url":"https://interlinea.aeterna-institute.org/library/latin/ausonius/opuscula/5.3","api":"https://interlinea.aeterna-institute.org/api/v1/library/latin/ausonius/opuscula/5.3"},"next":{"citation":"Opuscula 5.5","label":"V. Eglogarum ‹Liber›., 6. quo Mense Quotae Nonae vel Idus Sint.","url":"https://interlinea.aeterna-institute.org/library/latin/ausonius/opuscula/5.5","api":"https://interlinea.aeterna-institute.org/api/v1/library/latin/ausonius/opuscula/5.5"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}