{"kind":"section","lang":"la","language":"Latin","title":"Opuscula 5.6","citation":"Ausonius, Opuscula 5.6","ref":"5.6","level":null,"urn":null,"url":"https://interlinea.aeterna-institute.org/library/latin/ausonius/opuscula/5.6","api":"https://interlinea.aeterna-institute.org/api/v1/library/latin/ausonius/opuscula/5.6","markdown":"https://interlinea.aeterna-institute.org/library/latin/ausonius/opuscula/5.6.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":true,"words":97,"text":"Post idus, quas quisque suas habet ordine mensis,\ndiversae numero redeunt Variante kalendae,\ndum...... rursumque iterumque vocantur,\nut tandem optati procedant temporis ortus.\nter senis unoque die genialia festa\nporrigit ut Ianum arcessat nova bruma morantem.\nhoc numero mensisque Numae redit autumnique\nprincipium referens Bacchi September alumnus.\nIulius et Maius positusque in fine December\nOctoberque die revocatur tardius uno.\ninde die redeunt minus uno, quattuor ultra,\nquos numero adiciam, Sextilis, Iunius atque\nAprilis, post quos paenultima meta November,\nter quinis unoque die, Iunonie Mavors,\nut redeas referasque exordia prima, cieris.\nhoc numero ad plenum vertens reparabitur annus.","prev":{"citation":"Opuscula 5.5","label":"V. Eglogarum ‹Liber›., 6. quo Mense Quotae Nonae vel Idus Sint.","url":"https://interlinea.aeterna-institute.org/library/latin/ausonius/opuscula/5.5","api":"https://interlinea.aeterna-institute.org/api/v1/library/latin/ausonius/opuscula/5.5"},"next":{"citation":"Opuscula 5.7","label":"V. Eglogarum ‹Liber›., 8. Ratio Dierum Anni Vertentis.","url":"https://interlinea.aeterna-institute.org/library/latin/ausonius/opuscula/5.7","api":"https://interlinea.aeterna-institute.org/api/v1/library/latin/ausonius/opuscula/5.7"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}