{"kind":"section","lang":"la","language":"Latin","title":"Opuscula 7-2","citation":"Ausonius, Opuscula 7-2","ref":"7-2","level":null,"urn":null,"url":"https://interlinea.aeterna-institute.org/library/latin/ausonius/opuscula/7-2","api":"https://interlinea.aeterna-institute.org/api/v1/library/latin/ausonius/opuscula/7-2","markdown":"https://interlinea.aeterna-institute.org/library/latin/ausonius/opuscula/7-2.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Opuscula","url":"https://interlinea.aeterna-institute.org/library/latin/ausonius/opuscula","urn":null},"verse":false,"words":85,"text":"8. Ὣς εἰπὼν πυλέων ἐξέσσυτο ϕαίδιμοςἝϰτωρ. Haec ubi dicta dedit, portis sese extulit Hector. Minervae Apollinisque consensu fortissimus Graecorum ab Hectore provocatur. novem ducibus ad dimicandum paratis pugnaturum diligi placet sortis eventu. ab Aiace Telamonio proelium singulare conseritur, in quo Hector lapide ictus in suorum se recipit multitudinem. perseverante certamine caduceator Idaeus intervenit. tum invicem mistis muneribus pugna sedatur. Hector Aiacem gladio, Aiax Hectorem balteo muneratur. intercessu noctis exercitus quique in sua discedunt. die altero interfectorum humatio procuratur. Graecorum etiam navalia fossa ac vallo circumdata muniuntur.","prev":{"citation":"Opuscula 39.8","label":"Appendix., Section 8","url":"https://interlinea.aeterna-institute.org/library/latin/ausonius/opuscula/39.8","api":"https://interlinea.aeterna-institute.org/api/v1/library/latin/ausonius/opuscula/39.8"},"next":{"citation":"Opuscula 8","label":"Appendix., VIII.","url":"https://interlinea.aeterna-institute.org/library/latin/ausonius/opuscula/8","api":"https://interlinea.aeterna-institute.org/api/v1/library/latin/ausonius/opuscula/8"},"credit":{"text":"Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000793.zip","quality":"proofread"}}