{"kind":"section","lang":"la","language":"Latin","title":"Parentalia pr2","citation":"Ausonius, Parentalia pr2","ref":"pr2","level":null,"urn":"urn:cts:latinLit:stoa0045.stoa022.perseus-lat2:pr2","url":"https://interlinea.aeterna-institute.org/library/latin/ausonius/parentalia/pr2","api":"https://interlinea.aeterna-institute.org/api/v1/library/latin/ausonius/parentalia/pr2","markdown":"https://interlinea.aeterna-institute.org/library/latin/ausonius/parentalia/pr2.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Parentalia","url":"https://interlinea.aeterna-institute.org/library/latin/ausonius/parentalia","urn":"urn:cts:latinLit:stoa0045.stoa022"},"verse":true,"words":107,"text":"Nomina carorum iam condita funere iusto,\nfleta prius lacrimis, nunc memorabo modis,\nnuda, sine ornatu fandique carentia cultu:\nsufficit inferiis exequialis honos,\nnenia, funereis satis officiosa querellis,\nannua ne tacitis munera praetereas,\nquae Numa cognatis sollemnia dedicat umbris,\nut gradus aut mortis postulat aut generis,\nhoc satis est tumulis, satis est telluris egenis:\nvoce ciere animas funeris instar habet.\ngaudent conpositi cineres sua nomina dici:\nfrontibus hoc scriptis et monumenta iubent,\nille etiam, maesti cui defuit urna sepulcri,\nnomine ter dicto paene sepultus erit.\nat tu, quicumque es, lector, qui fata meorum\ndignaris maestis conmemorare elegis,\ninconcussa tuae percurras tempora vitae\net praeter iustum funera nulla fleas.","prev":{"citation":"Parentalia pr1","label":"pr1","url":"https://interlinea.aeterna-institute.org/library/latin/ausonius/parentalia/pr1","api":"https://interlinea.aeterna-institute.org/api/v1/library/latin/ausonius/parentalia/pr1"},"next":{"citation":"Parentalia 1","label":"1","url":"https://interlinea.aeterna-institute.org/library/latin/ausonius/parentalia/1","api":"https://interlinea.aeterna-institute.org/api/v1/library/latin/ausonius/parentalia/1"},"credit":{"text":"Ausonius, Parentalia, ed. Hugh G. Evelyn-White. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/stoa0045/stoa022/stoa0045.stoa022.perseus-lat2.xml","quality":"proofread"}}